बारामा जिप दुर्घटना, सशस्त्रका एसपीको मृत्यु सिडिओको अवस्था गम्भिर

फोटोःहेडलाइन खबरबाट

१२ माघ, सिमरा ।पुर्व पश्चिम राजमार्गको पसाहा ९ किलोमा बाराका सुरक्षा अधिकारी चढेकोे जिप दुर्घटना हुदा सशस्त्र प्रहरी बल १२ नम्बर गण बारामा कार्यरत सशस्त्र प्रहरी उपरिक्षक बलराम पोखरेलको मृत्यु भएको हो ।
दुर्घटनामा बाराका प्रमूख जिल्ला अधिकारी गणेश भट्टराई सहित अन्य ३ जना घाइते भएका छन् । दुर्घटनामा सशस्त्र प्रहरी हवल्दार सञ्जयकुमार यादव, प्रहरी जवान शम्भु गुरुङ र चालक जगत पटेल घाइते भएको प्रहरी स्रोतले जनाएको छ ।  घाइते मध्य बाराका प्रमूख जिल्ला अधिकारीको अवस्था गम्भिर छ । 
कर्मचारी मिलन केन्द्र बाराले निजगढ स्थित शहिद हिरालाल पार्कमा आयोजना गरेको पिकनीकबाट फर्किएको जिप पथलैया–निजगढ सडक खण्डको पसाहा पुल नजिक दुर्घटना भएको हो । 
बाराका प्रमूख जिल्ला अधिकारीले चढ्ने गरेको ना १ झ १६३३ नम्बरको स्कार्पियो जीप सडकमा रोकी राखेको ट्रयाक्टरको टेलरसंग ठोक्किएको सशस्त्र प्रहरी बल बाराले जनाएको छ । 
दुर्घटनामा ज्यान गुमाएका एसपी पोखरेलको शव अल्पाईन अस्पताल सिमरामा राखिएको छ भने, प्रजिअ भट्टराई सहित अन्य घाइतेलाई थप उपचारका लागि हेलिकोप्टरबाट काठमाडौं लैजाने तयारी गरिएको छ । दुर्घटनापछि उपचारका लागि अल्पाईन अस्पताल पु¥याइएका एसपी पोखरेललाई चिकित्सकले मृत घोषित गरेका  छन् ।

मुत्यु भएका एसपी पोखरेल लामो समय हेटौँडामा सशस्त्र प्रहरी बलको प्रमुख रहेका थिए ।  उनले हेटौँडा २ मा रहेका अर्फिसस क्लबको भवना रहेको सशस्त्र प्रहरी बलको कार्यालयलाई हेटौँडा ८ मैदाटोलमा स्तानतरण गरेका थिए । 

हेडलाइन खबरबाट