बानियाँद्वारा चेपाङ शिशुको उपचारका लागि २५ हजार सहयोग

१४ माघ, हेटौंडा । नेपाली कांग्रेस मकवानपुरका सभापति एवं कांग्रेस ३ नम्बर प्रदेशका संसदीय दलका नेता ईन्द्रबहादुर बानियाँले राक्सिराङ गाउँपालिका २ कुँडुलेका २ महिने बालकको उपचारको लागि सोमबार आर्थिक सहयोग गरेका छन् ।
विगत १० दिनदेखि निमोनियाबाट पीडित भई आर्थिक अभावका कारण विचल्लीमा परेका राक्सिराङ्ग २ कुडुलेका दुई महिने बालक योशेफ प्रजालाई उपचारमा सहज होस भन्दै नेता बानियाँले २५ हजार रुपैंया सहयोग गरेका हुन् । कांग्रेस ४ नम्बर क्षेत्रीय सभापति लोकबहादुर मुक्तानमार्फत प्रजाकी आमा सानुमायालाई रकम हस्तान्तरण गरेका छन् । नेता बानियाँले आर्थिक अभावका कारण उपचारमा कुनै कमी नहोस भन्दै उपचारमा संलग्न चिकित्सकलाई लागेको रकम नपुग भए आफूले उपलब्ध गराउने फोनमार्फत अवगत सगराएका थिए ।
त्यसैगरी बालक प्रजालाई सिविन बाल हेल्प लाईन हेटौडाका संयोजक झविन्द्र ज्ञवालीले पनि विभिन्न सामाजिक अभियन्ताहरुबाट संकलन गरेको रकम १० हजार १ सयसमेत बुझाएका छन् ।
विरामी बालक प्रजाको आमा सानुमायालाई रकम बुझाउन कांग्रेस मनहरी गाउँपालिका सचिव प्रकाश बर्तौला, नेपाल तरुण दल ४ नम्बर क्षेत्रीय सभापति एवं मनहरी गाउँपालिका ७ का वडा अध्यक्ष ठाकुर तितुङ, कांग्रेस मकवानपुरका सूचना प्रमुख सुजन विडारीलगायत पुगेका थिए ।