महेश आश्रम सहयोगार्थ देवघटमा विराट महायज्ञ हुने

१८ माघ, हेटौँडा । माघ २२ गतेबाट चितवनको देवघाटमा देवघाट विराट महायज्ञ हुने भएको छ । शुक्रबार हेटौँडामा पत्रकार सम्मेलनको आयोजना गरि महायज्ञको विषयमा जानकारी गराइएको हो । 
माघ २२ गते देखी फल्गुण १ गते सम्म हुने महायज्ञको उद्दघाटन राष्ट्रपति विद्यादेवी भण्डारीले गर्नुहुने बताइएको छ । माहायज्ञको पुर्वसन्ध्यामा माघ २० गते लोपोन्मुख भजन प्रतियोगिता र २१ गते शोभा यात्रा गरिने पत्रकार सम्मेलनमा जानकारी गराइएको छ । पत्रकार सम्मेलनमा बोल्दै महायज्ञ मुल आयोजक समितिका सदस्य केशव धितालले महेश सन्यास आश्रममा रहेको गुरुकुल शिक्षाको सुदृढिकरण, वौदिक सनातन धर्म सँस्कृतिको संरक्षण तथा प्रर्वद्धनको लागि महायज्ञको आयोजना गर्न लागिएको जानकारी दिए । 
महायज्ञमा चतुर्वेद पाठ–परायण, गणेश, शीव, विष्णु, सूर्यपुराण र देवी भागवत पाठ–परायण लगाएतको क्रियाकलाप हुने बताईएको छ । महायज्ञको क्रममा गुरुकुल शिक्षण भवनको उद्घाटन, गुरु–स्मृति भवनको उद्घाटन, सन्त सेवा आश्रमको उद्घाटन लगाएतका कार्यमहरु पनि रहेको संयोजक धितालले जानकारी दिए ।
विगत १० बर्ष देखीनै मकवानपुर जिल्लाले महेश आश्रमका लागी विभिन्न सहयोग गर्दै आएको सन्दर्भमा महायज्ञ सफल बनाउन पनि मकवानपुरमा रहनुभएका आश्रमका शुभचिन्तक र भक्तजनहरुमा आग्रह गरिएको छ ।
महायज्ञ सफल पार्न सहयोगार्थ मकवानपुरमा समेत विभन्न सात वटा समिति निर्माण गरिएको पत्रकार सम्मेलनमा उपस्थित प्रकाश ढकालले जानकारी दिए । महायज्ञमा स्वामी रामानन्द गीरीले कथा वाचन गर्नुहुने पंडित बासुदेव वत्सले जानकारी दिए ।