टि ट्वान्टी सिरिजमा नेपालको कब्जा

फाईल फोटो

२० माघ, हेटौँडा । नेपालले पहिलोपटक टि ट्वान्टी सिरिजमा आफ्नो कब्जा जमाउन सफल भएको छ ।  दुबईस्थित आइसीसी एकेडेमी ओभलमा भएको टी ट्वान्टी शृङ्खला अन्तर्गतको नेपाल र संयुक्त अरब इमिरेट्स (यूएई)बीचको तेस्रो खेलमा नेपालले १४ रनले युएइलाई स्तव्ध बनाउँदै एकदिवसीय सिरिज आफ्नो कब्जा जमाएको हो ।  नेपालले दिएको १०५ रनको लक्ष्य पछ्याउने क्रममा युएइले निर्धा्रित ओभरमा ९० रन मात्र बनाउन सफल भएको थियो  । 
नेपालका लागि कप्तान पारस खड्काले सर्वा्धिक २९ रन जोडे। १४ बल खेलेका पारसले ४ चौका र १ छक्का हिर्काएका हुन्। यस्तै ११ बल खेलेका सुनदीप जोराले  ३ छक्कासहित २८ रन बनाए । पाँचौ विकेटका लागि बिनोद भण्डारीले जोरासँग ३७ रनको साझेदारी गर्दै नेपाललाई सम्मानजनक स्कोरमा र्पुयाए।  भण्डार १३ बल खेल्दै २ चौका र १ छक्कासहित २१ रन बनाएर आउट भए ।त्यसैगरी करन केसीले ४ बलमा १० रन बनाउँदा ओपनर ज्ञानेन्द्र मल्ल ११ र दीपेन्द्र सिंह ऐरी २ रन बनाएर आउट भएका थिए।
 नेपालका जितका लागि करण केसी, ललित राजबंशी र अविनास बोहोराले समान २र२ विकेट लिए भने सोमपाल कामी  र सन्दीप लामिछाने   १–१ विकेट लिएका थिए  । यसअघि भएका २ खेलमध्ये पहिलो खेल युएईले २१ रनले जितेको थियो भने दोस्रो खेल नेपालले ४ विकेटले आफ्नो पक्षमा पार्दै सिरिज एक एक को बराबरी गरेको थियो।