लर्ड बुद्ध कलेजद्वारा रानी वनमा अनुसन्धान

२४ माघ, हेटौँडा । काठमाण्डौमा रहेको लर्ड बुद्ध कलेजमा डिप्लोमा ईन फरेष्ट्री तेश्रो वर्षमा अध्ययनरत विद्यार्थीहरुले हेटौडा–६, चौघडामा रहेको रानी सामुदायिक वन उपभोक्ता समूहको क्षेत्र भित्र १० दिने अध्ययन अनुसन्धानको पूरा गरेका छन् । 
विद्यार्थीहरुले वनको विधान तथा कार्ययोजना निर्माण गर्ने, वन मापन, घरधुरी सर्भेक्षण, कार्यसमितिसँग अन्तरक्रिया, डाटा संकलन,समूहगत छलफल,वनको अवस्था लगायतका विषयहरुमा अनुसन्धान गरेका थिए । ५ वटा समूह बनाएर विद्यार्थीहरुले अनुसन्धान गरेका थिए ।
समूहका अध्यक्ष कृष्ण बिडारीको अध्यक्षतामा भएको समापन कार्यक्रममा डिभिजन वन कार्यालय,मकवानपुरका सहायक वन अधिकृत नविन दाहाल, हेटौडा सव डिभिजन वन कार्यालयकी सहायक वन अधिकृत गायत्री शर्मा, डिभिजन वन कार्यालय मकवानपुरका रेन्जर सुमन खडका, हेटौडा सव डिभिजन वन कार्यालयका फरेष्टर यदुकुमार घिमिरे, समूहका उपाध्यक्ष डोरबहादुर अधिकारी,कार्यालय सचिव भीमसेन पौडेल लगायतकाले मन्तव्य व्यक्त गरेका थिए । 
लिजा केसीको नेतृत्मा आएको विद्यार्थीहरुको समूहले माघ १५ गते देखि  २५ गते सम्म रानी सामुदायिक वनको क्षेत्रमा काम गरेको थियो । समूहमा ४५ जना विद्यार्थीहरुको सहभागिता रहेको समूहका कार्यालय सचिव पौडेलले बताए ।