डडेल्धुरा र सुर्खेतमा चट्याङ, ३ जनाको मृत्यु

२५ माघ, हेटौँडा । डडेल्धुरा र सुर्खतमा परेको चट्याङ लागेर ३ जनाको मृत्यु भएको छ भने पशु चौपाया मरेका छन् । 
डडेलधुरामा परेको चट्याङ लागेर मृत्यु हुनेमा भागेश्वर गाउँपालिका–५ सलेताकी २० वर्षीया सरस्वती नाथ र बझाङको दुर्गाथली गाउँपालिका–७ का ४८ वर्षीय गोगन दौल्याल रहेका छन् । 
यस्तै, चट्याङ लागेर अमरगढी नगरपालिका–३ रजोडामा रहेको राजपुर सामुदायिक वन उपभोक्ता समूहको भवनमा सुतिरहेका मजदुर बझाङका गोगन दौल्यालको मृत्यु भएको जिल्ला प्रहरी कार्यालय डडेल्धुराले जनाएको छ । 
चट्याङ लागेर सलेताका १५ वर्षीय देवेन्द्र नाथ, ८ वर्षीय खगेन्द्र नाथ, १४ वर्षीया कल्पना नाथ र १२ वर्षीया शान्ति नाथ रहेका छन् । उनीहरुको डडेलधुरास्थित उपक्षेत्रीय अस्पतालमा उपचार भईरहेको प्रहरी नायब उपरीक्षक डम्बरबहादुर केसीले जानकारी दिए । सोही चट्याङका कारण दशरथ नाथका एक दुहुनो गाई र एक हल गोरु मरेका छन् ।
उता,  सुर्खेतको चिङ्गाड गाउँपालिका वडा नम्बर ३ कालमाटामा मा परेको चट्याङबाट एक महिना घाइते भएकी छिन् । टिके कामीको घरमा परेको चट्याङबाट श्रीमति झुपी विक घाइते भएकी छिन् । उनको स्थानीय स्वास्थ्य चौकीमा उपचार भईरहेको छ । त्यस्तै गोठमा रहेका २ वटा भैसी र एउा गोरु मरेका छन् ।