हेटौंडामा पहिलो पटक म्याथम्याटिक्स ओलियम्याड

२६ माघ, हेटौँडा । हेटौंडामा पहिलो पटक जिल्लास्तरीय म्याथम्याटिक्स ओलियम्याड सम्पन्न भएको छ । म्याथम्याटिक्स ओलियम्याड अफ नेपाल (मुन) को आयोजनामा हेटौंडाको नवोदय शिशु सदन विद्यालयमा उक्त कार्यक्रम भएको हो । कार्यक्रम शैक्षिक विकास समन्वय समिति मकवानपुरका प्रमुख कृष्णप्रसाद घिमिरेको प्रमुख आतिथ्यतामा भएको थियो हेटौँडा स्कूल अफ म्यानेजमेन्ट, मकवानपुर बहुमुखी क्याम्पसलगायत गरी हेटौंडाका नीजि विद्यालय तथा सरकारी विद्यालयका ६१ जना विद्यार्थीले दर्ता गराएता पनि ५५ जना विद्यार्थीको सहभागीता रहेको कार्यक्रम संयोजक हर्क कार्कीले बताए ।
  म्याथम्याटिक्स ओलियम्पाडमा सहभागिता जनाएको विद्यार्थीको  अंकको आधारमा हेटौँडा स्कूल अफ म्यानेजमेन्टका रवि रौनियार अब्बल ठहरिए । रौनियार प्रथम हुदाँ म्यानेजमेन्टकै विपिन केसी द्वितीय भए भने  नवोदय शिशु सदनका प्रवेश गुरागाई तृतीय बन्न सफल भए । मुनका अध्यक्ष दीपक बास्तोलाको अध्यक्षतामा भएको  कार्यक्रममा त्रिभूवन विश्वविद्यालयका व्यवस्थापन संकायका पूर्व डिन प्रा.डा. गोविन्द आचार्य, प्याव्सन मकवानपुरका उपाध्यक्ष विनोद सुवेदी,हेटौंडा स्कूल अफ म्यानेजमेन्टका प्रमुख पुरनबहादुर जोशी, नवोदय शिशु सदन विद्यालयका निर्देशक दिपेश जोशीलगायतको आतिथ्यता रहेको थियो ।