सिद्धार्थ माविका विद्यार्थीसंग प्रहरीको १ दिन

३ फागुन, हेटौँडा । ३ नम्बर प्रदेश प्रहरी कार्यालय हेटौँडा तथा जिल्ला प्रहरी कार्यालय मकवानपुरको संयुक्त आयोजनामा हेटौँडा २ मा रहेको सिद्धार्थ माध्यमिक विद्यालयका विद्यार्थीसंग समुदाय प्रहरी साझेदारी अन्तर्गत प्रहरी संग १ दिन कार्यक्रम शुक्रबार सम्पन्न भएको छ । समुदाय प्रहरी साझेदारी विद्यालय सम्पर्क समिती अन्तर्गत उक्त प्रशिक्षण सहितको  कार्यक्रम संचालन गरिएको हो ।
 
कार्यक्रममा ३ नम्बर प्रदेश प्रहरी कार्यालयका प्रमुख प्रहरी नायव महानिरीक्षक दिपक थापाले विद्यार्थीहरुलाई प्रहरीले के कसरी जन्ताको नजिक रहेर कार्य गर्छ र प्रहरी कसैको शत्रु नभई मित्र हो भन्ने कुरा बुझाउनु कार्यक्रमको मुख्य उदेश्य भएको बताए । 
त्यसैगरी गरी दगा नियन्त्रण गण हेटौडा ११ थानाभयाङ्का प्रमुख प्रहरी उपरीक्षक मुकेश विक्रम सिंहले विद्यार्थीहरुलाई दंगा प्रहरी नियन्त्रण बलको कामको बारेमा जानकारी गराएका थिए ।
त्यसैगरी कार्यक्रममा जिल्ला प्रहरी कार्यालय मकवानपुरका उपरीक्षक बुद्धिराज गुरुङ्ले विद्यार्थीहरुलाई साइबर क्राईम, लागूऔषध दुर्व्यसनी र मादक पदार्थ सम्बन्धी प्रशिक्षण प्रदान गरेका थिए । 
सहभागि विद्याथीहरुले जिल्ला प्रहरी कार्यालय मकवानपुरको थुनुवा कक्ष, दर्ता चलानि कक्ष, मुद्धा कक्षको अवलोन गर्नुका साथै उनिहरुलाई प्रहरीले दिने सेवाको बारेमा जानकारी गराईएको थियो । त्यसैगरी सहभागि विद्यार्थीहरुले हेटौँडा ११ मा रहेको ३ नम्बर प्रदेश प्रहरी कार्यालय तथा दगा नियन्त्रण गणको अबलोकन गरी त्यहा हुने गरेका प्रहरी गतिविधिका बारेमा जानकारी लिएका थिए । उनिहरुले प्रहरी मेश, तालिम हल, ब्यारेकको अवलोकन गरेका थिए ।  
  कार्यक्रममा विद्यालय व्यवस्थापन समितिका अध्यक्ष मधु बजगाई, विद्यालयका प्रअ मोहन प्रसाद शर्मा लगायात प्रहरी अधिकारी, पत्रकार, विद्यालयका शिक्षक तथा शिक्षिका सहित करिब ५० जना विद्यार्थीहरुको सहभागिता रहेको थियो ।