एक दिनको सफाइले नगर सफा होला र मेयर साब?

सरसफाई गर्दै हेटौँडा उपमहानगरपालिका प्रमुख हरि बहादुर महत

सुनिल शिवाकोटि

४ फागुन,हेटौँडा । शनिबार बिहान हेटौँडा उपमहानगरपालिका वडा नम्बर १र२ को सिमाना चौकिटोल ओरालोमा हातमा पञ्जा, मुखमा मास्क अनि झाडु लगाएका मानिसहरुको बाक्लो भिड थियो। उक्त स्थानमा नेपाल प्रहरी, शसक्त प्रहरी,ट्राफिक प्रहरी  तथा नगर प्रहरीको बाक्लो भिड सहित उपस्थिती थियो । नजिकै रहेको अन्नपुर्ण भोजनालयको छेउमा मास्क लगाएर हातमा झाडु बोकि सरसफाइमा ब्यस्त थिए हेटौँडा उपमहानगरपालिकाका नगर प्रमुख हरी बहादुर महत, महत संगै सरसफाइमा साथ दिदै थिए जिल्ला प्रहरी कार्यालय मकवानपुरका प्रहरी निरीक्षक पवन कुमार झा । 
हेटौँडा उपमाहानगरलाई स्वच्छ राखन र प्रदुर्षण मुक्त गराउन यस कार्यको थालनि गरिको रहेछ । उपमहानगरपालिकाले हरेक शनिबार नगरका हरेक वडा र वडा भित्र पर्ने स्थानमा सरसफाइ गर्ने योजना सहितको सरसफाइ कार्यक्रम ल्याएको हरेछ । 
सरसफाइमा सामेल नेपाल, प्रहरी, शसक्त प्रहरी, नगर प्रहरी, जनप्रनिनिधीले यत्रतत्र छरिएर रहेका रफयाकिएका सुर्तिजन्य प्रदार्थका खोल संकलन गर्दै थिए भने उक्त अभियानमा भने स्थानिय सर्वसाधारणहरुको खासै सहभागिता भने देखिएन । 
सरसफाईमा सहभागिहरु भन्दै थिए एक दिनको सफाइले नगर के सफा होला र? वास्तबै एक दिनको सफाइले नगर सफा हुदैन, नगरपालिकाले यस्ता कार्यमा निति बनाएर कारवाही गर्न जरुरी छ । नत्र एक दिनको सफाइले नगर सफा कदापि हुदैन यस्को उदाहरण केहि दिन अघि सफाइ गरिएको बसपार्कलाई हेर्दा हुन्छ । 

उपमहानगरपालिकाको यो कार्य सम्मान योग्य छ तर आफै सफाइमा निस्कनुको सट्टा दिर्घकालिन उपयुक्त निति बनाई, त्यस्ता फोहोर निम्त्याउने पदार्थमा रोक लगाई र हरेक टोल टोल, विद्यालय तथा स्थानिय टोल विकास, सघं सस्था संग सहकार्य गरेर जादा उक्त अभियानले सफलता  पाउलाकी ?