शिक्षा पत्रकारिता पुरस्कारबाट विष्ट र अधिकारी पुरस्कृत 

४ माघ, हेटौँडा । विष्णु तौजले रिलायन्स शिक्षा पत्रकारीता पुरस्कार २०७४ बरिष्ठ पत्रकार प्रताप विष्ट र २०७५ पत्रकार गणेश दर्पण अधिकारीलाई प्रदान गरिएको छ । 
हेटौँडा ५ मा रहेको रिलायन्स इङ्लीस सेकेण्डरी बार्डिङ स्कुलले आफनो ३६ औँ अभिभावक दिवसको अवसरमा पत्रकारद्वय विष्ट र अधिकारीलाई १० हजार १ रुपैयाँ राशी नगद सहित पुरस्कृत गरिएको हो । विद्यालयका संस्थापक प्राचार्य केशवलाल श्रेष्ठका दिवंगत माता पिताको स्मृतिमा स्थापना गरिएको पत्रकारीता पुरस्कार शनिवार भएको अभिभावक दिवसको अवसरमा प्रदान गरिएको हो । कार्यक्रममा जिल्लाको शैक्षिक क्षेत्रमा पु¥याउँनुभएको योगदानको कदर गर्दै पूर्व प्रधान अध्यापक धनलाल श्रेष्ठ र तुल्सी थापालाई कदर पत्र सहित सम्मान गरिएको छ । विद्यालयका संस्थापक प्राचार्य केशवलाल श्रेष्ठको सभापतित्वमा भएको कार्यक्रममा साहित्यकार एवम शिक्षा सेवी तुल्सी थापाको प्रमुख आतित्थ्यता रहेको थियो । 
कार्यक्रममा शिक्षासेवी धनलाल श्रेष्ठ, प्याव्सन मकवानपुरका अध्यक्ष अनिल पाण्डे, संस्थागत विद्यालय अभिभावक संघ मकवानपुरका अध्यक्ष रमिला सापकोटा, संस्थागत विद्यालय शिक्षक युनियन मकवानपुरका अध्यक्ष सुदिप बर्तौला, नेपाल पत्रकार महासंघ मकवानपुरकी उपाध्यक्ष सरिता दाहाल लगाएतको आतित्थ्यता रहेको थियो । कार्यक्रमको अवसरमा विद्याथीहरुले विभिन्न सांस्कृति कार्यक्रमका साथै विज्ञान, सामाजीक, गणित, अंग्रेजी लगाएतका विषयमा प्रदर्शनी समेत गरेका थिए । 
यस अघि विद्यालयले माघ २५ गते देखी फागुन १ गते सम्म गरेका विभिन्न खेलकुद गतिविधिका विजयी विद्यार्थीहरुलाई फागुन २ र  ३ गते पुरस्कृत गरिएको थियो ।