इन्द्रसरोबरमा कांग्रेसको छायाँ सरकार, यस्तो छ रणनीति

७ फागुन, हेटौँडा । मकवानपुरको ईन्द्रसरोबर गाउँपालिकामा नेपाली कांग्रेसले छायाँ सरकार गठन गरेको छ ।

मंगलबार भएको भेलाले विश्व लामाको नेतृत्वमा बज्रबाराहीमा छाया सरकार गठन भएको हो । कार्यक्रममा जिल्ला तथा केन्द्रीय तहका नेताहरुले गाउँपालिकामा हुने विकृति, विसंगतिविरुद्ध सशक्त आवाज उठाउन छाँया सरकारलाई निर्देशन दिए । स्थानीय तहलाई जनताप्रति उत्तरदायी बनाउँदै विकासमा अभिप्रेरित गर्ने र गलत गर्न खोजे खबरदारी गर्ने काम छायाँ सरकारको भएको उनीहरुको भनाई थियो ।

यस्तै, नेपाल तरुण दल ईन्द्रशरोबर गाउँपालिकाको आयोजनामा गाउँपालिकास्तरीय बृहत तरुण भेला समेत भएको छ । नेपाली कांग्रेस ईन्द्रशरोबर गाउँपालिकाका संयोजक जमान सिं वाईबाको सभाध्यक्षता एवं नेपाली कांग्रेसकी केन्द्रीय सदस्य महालक्ष्मी उपाध्याय डिनाको प्रमुख आतिथ्यतामा तरुण भेला भएको हो ।

बृहत् तरुण भेलामा राप्रपाबाट स्थानीय तहको निर्वाचनमा ईन्द्रशरोबर गाउँपालिकामा उपाध्यक्षको प्रत्यासी निर्मला तामाङ, वडा अध्यक्षका प्रत्यासी प्रताप लामासहित राप्रपा र नेकपा परित्याग गरि ३४ जना नेपाली कांग्रेसमा प्रवेश गरेका थिए ।
कार्यक्रममा नेपाली कांग्रेस ३ नम्बर संसदीय दलका नेता एवं मकवानपुर पार्टी सभापति ईन्द्रबहादुर बानियाँ, निवर्तमान सभापति रघुरमण न्यौपाने, महासमिति सदस्य जयराम लामिछाने, २ नम्बर क्षेत्रीय सभापति यतिराज सापकोटा, तरुण दल मकवानपुर सभापति ईश्वर पाठक, कांग्रेस ईन्द्रशरोबर नेता विश्व लामाले मन्तव्य व्यक्त गरेका थिए ।
त्यसैगरी, निर्मला लामाको संयोजकत्वमा १६ सदस्यीय नेपाल महिला संघ ईन्द्रशरोवर गाउँपालिका र अनुप बलामी कृष्णको अध्यक्षमा १९ सदस्यीय तरुण दल ईन्द्रशरोबर गाउँपालिका गठन गरिएको छ ।
कार्यक्रममा महासमिति सदस्य दिनेश उपाध्याय, जिल्ला सल्लाहकार भरत पराजुली, जिल्ला सदस्य शुसान्त श्रेष्ठ, ४ नम्बर क्षेत्रीय सभापति लोकबहादुर मुक्तान, हेटौंडा उपमहानगर सभापति आनन्दराम पराजुली, तरुण दल नेता राजेश भेटवाल, तरुण जिल्ला उपाध्यक्ष रामकुमार रायमाझी, सचिव सचित थापा, क्षेत्रीय अध्यक्षद्वय सुमन श्रेष्ठ र सञ्जय श्रेष्ठ, नेपाल महिला संघ जिल्ला सचिव निलम देवकोटा, तरुण हेटौंडा उपमहानगर सभापति सुनिल गिरीलगायतको सहभागिता रहेको थियो ।