नेविसंघद्वारा प्रजातन्त्र दिवसमा विविध कार्यक्रम

८ फागुन, हेटौँडा । नेपाल विद्यार्थी संघ मकवानपुरको आयोजनामा प्रजातन्त्र दिवसको अवसरमा विविध कार्यक्रम भएको छ ।
नेपाल विद्यार्थी संघ हेटौँडा क्याम्पस इकाईको आयोजनामा अन्तरक्रिया कार्यक्रम भएको छ । इकाई सभापति सुदिप वर्तौलाको सभाध्यक्षता एवं नेविसंघ मकवानपुरका अध्यक्ष राजु खतिवडाको प्रमुख आतिथ्यतामा कार्यक्रम भएको हो । कार्यक्रममा प्रध्यापक संघका भुपेन्द्र कोइराला, नेविसंघ जिल्ला सदस्य केशव खड्का, सन्तोष चौलागाई, क्षेत्रीय सभापति सुवास सापकोटा, मकवानपुर बहुमुखी क्याम्पस उपसभापति मिलन पुडासैनी लगायतको सहभागिता रहेको थियो ।
त्यस्तै, नेविसंघ वन विज्ञान अध्ययन संस्थान हेटौँडा क्याम्पसद्वारा हाजिरी जवाफ प्रतियोगिता सम्पन्न गरेको छ । इकाई सभापति ललितजंग खड्काको अध्यक्ष एवं जिल्ला अध्यक्ष राजु खतिवडको प्रमुख आतिथ्यतामा कार्यक्रम भएको हो । कार्यक्रममा कृषि तथा वन विश्वविद्यालय हेटौँडा क्याम्पसका डिन बलराम भट्ट, वन विज्ञान अध्ययन संस्था हेटौँडाका डिन कृष्णप्रसाद दाहाल, तरुण विभागका सदस्य विकेशलाल श्रेष्ठ लगायतको सहभागिता रहेको थियो ।
नेविसंघ कृषि तथा वन विश्वविद्यालय हेटौँडा क्याम्पसद्वारा द्विप प्रज्वलन गरेको छ । इकाई सभापति मोहन मिश्रको अध्यक्षता एवं नेपाली कांग्रेसका जिल्ला प्रवक्ता प्रदीप कोइरालाको प्रमुख आतिथ्यतामा कार्यक्रम भएको हो । कार्यक्रममा बलराम भट्ट, राजु खतिवडा, विकेशलाल श्रेष्ठ, ललितजंग खड्का, पंकजकुमार ठाकुर, प्रकाश तिवारी, विजयकुमार झा, मिलन पुडासैनी लगायतको सहभागिता रहेको थियो ।