मेलामा रिद्धि सिद्धि सिमेन्टको निःसुल्क बस सेवा

१३ फागुन,हेटौँडा । यहि फागुन १६ गते देखि २६ गते सम्म हेटौँडा ५ मा रहेको क्याम्पा चौरमा मकवानपुर उद्योग वाणिज्य संघको मुख्य आयोजनामा हुन गइिरहेको राष्ट्रिय औद्योगिक व्यापार मेलाभर मेला भर्न आउनेहरुलाई सहज  होस भन्ने उदेश्यले हेटौंडा १५ मा रहेको रिद्धि सिद्धि सिमेन्ट उद्योगले हेटौंडाको मुख्य बजारबाट मेला स्थल हेटौंडा ५ क्याम्पा डाँडा सम्म निशुल्क बस संचालन गर्ने भएको छ । 
सोमबार मकवानपुर उद्योग वाण्ज्यि संघको सभाहलमा पत्रकार भेटघाट गर्दै यस बिषयमा जानकारी गराईएको हो।

कार्यक्रममा सिमेन्टका क्षेत्रिय विक्री प्रबन्धक विक्रम खतिवडाले विभिन्न स्थानहरुबाट मेला भर्न आउनेहरुलाई यातायातमा सहज होस भनेर मेला स्थल सम्म रिद्धि सिद्धि सिमेन्ट प्रा.लिले ३ वटा बस निशुल्क रुपमा संचालन गर्ने बताए । 
 जिल्ला प्रहरी कार्यालय चोक, मकवानपुर उद्योग वाणिज्य संघको चोक र सिमाचोक तथा शितलमहल चोकबाट बस सेवा संचालन हुने  खतिवडाले बताए । उनले निशुल्क बस सेवा संचालन गरि दैनिक २ हजार जनालाई प्रत्यक्ष सेवादिने लक्ष्य रहेको बताए । 
त्यसैगरी कार्यक्रममा संघका वरिष्ठ उपाध्यक्ष माधव न्यौपानेले रिद्धि सिद्धि सिमेन्ट प्रा.लिको कार्यप्रति धन्यवाद दिदै सहकार्य गरि अघि बढ्ने बताए । 
 संघका कार्यसमिति सदस्य तथा मेलाका यातायात तथा पार्किङ व्यवस्थापन समितिका संयोजक रवि कंडेल शर्माको सभाध्यक्षतामा भएका कार्यक्रममा संघका उपाध्यक्ष कृष्णकुमार गुप्ता, कार्यसमिति सदस्य दीपक उप्रेती, सिमेन्ट उद्योगका प्रतिनिधि, संचारकर्मीहरुको उपस्थिती रहेको थियो ।