क्याम्पाको मेलामा मनोरञ्जन मात्र नभई निशुल्क स्वास्थ्य शिविर पनि

१४ फागुन, हेटौँडा । यहि फागुन १६ गते देखि २६ गते सम्म हेटौँडा ५ मा रहेको क्याम्पा चौरमा मकवानपुर उद्योग वाणिज्य संघको मुख्य आयोजनामा हुन गइिरहेको राष्ट्रिय औद्योगिक व्यापार मेलाभर निशुल्क स्वास्थ्य शिविर पनि हुने भएको छ । 
 मेलाको ९ दिन विभिन्न रोगको छुट्टाछुट्टै विशेषज्ञ डाक्टरहरुहरुको टोलिले  स्वास्थ्थ  सेवा दिने संघका उपाध्यक्ष तथा मेलाका शैक्षिक तथा प्राथमिक उपचार व्यवस्थापन समितिका संयोजक कृष्ण कुमार गुप्ताले जानकारी दिए  । गुप्ताले जनाए अनुसार मेलाको  दोस्रो दिन अर्थात १७ गते शुक्रबार छाला रोग विशेषज्ञ डा. रजनी अग्रवालद्धारा स्वास्थ्य सेवा प्रदान गरिने  त्यसैगरी तेस्रो दिन १८ गते शनिबार नाक,कान,घाँटी डा. इनक्लाब ढुङ्गानाले स्वास्थ्थ परिक्षण गर्ने त्यस्सैगरी चोथौ दिन १९ गते आइतबार भरतपुरबाट आई मधुमेह, प्रेसर,तथा क्यान्सर रोगका विशेषज्ञ डा.सुरेश कुमार दीपले  स्वास्थ्थ परिक्षण गर्ने । त्यसैगरी मेलाको पाँचौ दिन २० गते सोमबार हेटौंडाका बाल रोग विशेषज्ञ डा. हरि बहादुर खड्काले बाल रोगको सेवा प्रदान गर्ने , २१ गते देखि २४ गते सम्म कलेज अफ मेडिकल साइन्सेस भरतपुरबाट विभिन्न रोगका विशेषज्ञ डाक्टरहरुद्धारा स्वास्थ्य परिक्षण गरिने जनाए । जसमा २१ गते मंगलबार मुटु रोग विभाग विशेषज्ञ डाक्टरबाट सेवा हुने,२२ गते बुधबार नाक, कान,घाँटी रोग विभागबाट सेवा हुने, २३ गते विहीबार दन्त रोग विभागबाट सेवा हुने र २४ शुक्रबार स्त्री तथा प्रस्तुती विभागका डाक्टरहरुबाट सेवा दिने र २५ गते शनिबार हेटौडाको सामुदायिक आँखा अस्पतालले सेवा दिने संयोेजक गुप्ताले बताए । 
विगतमा मेला भर्न आउँदा दर्शकहरु विरामी पर्ने गरेका हुदा मनोरञ्जन मात्र नभई यसपालि स्टलनै बनाइ  स्वास्थ्य शिविर संचालन गर्न लागिएको संघका सचिव तथा प्रवक्ता काव्यमणि अधिकारीले बताए ।