हेटौँडा आँखा अस्पताललाई पहिलो पटक नेपालीको सहयोग

१९ फागुन, हेटौँडा । हेटौडा सामुदायिक आँखा अस्पताललाई पहिलो पटक नेपाली दाताहरुबाट मोतिविन्दुको शल्यक्रिया गर्न सहयोग प्राप्त भएको छ । मकवानपुर कल्याण समाज, काठमाडौले पहिलोपल्ट सहयोग प्रदान गरेको हो । 
मकवानपुरको हाँडिखोला र हात्तिसुढेमा निःशुल्क आँखा शिविर संचालन गरी मोतिविन्दुका विरामीहरु संकलन गरी हेटौडा सामुदायिक आँखा अस्पतालमा ४४ जनालाई निःशुल्क शल्यक्रिया गरीएको थियो । समाजका अध्यक्ष अमरेश प्रधानले आँखा अस्पताल स्थापना हुँदादेखि देखि नै विरामीको लागि केही गरौ भन्ने लागेकोमा सफल भएको बताए । प्रधानले समाजका सदस्यहरुबाट नै सहयोग संकलन गर्ने योजना अनुरुप कार्यसमिति सदस्य बावुकाजी शाक्यले व्यक्तिगत ५० हजार प्रदान गरेको र अन्य दातासहितबाट गरी २ लाख रुपैँया रकम जुटेको बताए । समाजका कोषाध्यक्ष हिटलर विशेतले मकवानपुर जिल्लामा आँखा अस्पतालसंग सहकार्य गरी वार्षिक रुपमा एउटा कार्यक्रम गर्न समाजले गृहकार्य गरी रहेको बताए ।
अस्पताल प्रमुख डा. सुनिल थकालीले अस्पतालमा हालसम्म विदेशी दताहरुबाट मात्र आर्थिक सहयोग भई रहेकोमा नेपालीदताहरुबाट पनि मोतिविन्दु शल्यक्रियको लागि सहयोग प्राप्त भएकोमा समाजलाई हार्दिक धन्यवाद ज्ञापन गरेका थिए ।