२२ फागुन, रोल्पा । रोल्पाको गंगादेव गाउँपालिकाका अध्यक्ष वीरबहादुर खत्रीले फरकफरक नामबाट दुईवटा नागरिकता लिएको पुष्टि भएको छ ।
उनले २०४२ मंसिर १० गते भिउदे खत्रीको नामबाट ३८९२ नम्बरको र २०४६ वैशाख १५ गते वीरबहादुर खत्रीको नामबाट १८६ नम्बरको नागरिकता लिएको प्रमाणित भएको हो। ललितपुरको खुमलटारस्थित राष्ट्रिय विधि विज्ञान प्रयोगशालाले दुवै नागरिकता एउटै व्यक्तिको रहेको पुष्टि गरेको रोल्पा जिल्ला प्रशासन कार्यालयले जनाएको छ ।
गाउँपालिकाका अध्यक्ष खत्रीसँग दुईवटा नागरिकता रहेको भन्दै स्थानीय हरिबहादुर पुनले २०७४ माघ १७ गते जिल्ला प्रशासन कार्यालयमा उजुरी दिएका थिए। उनको उजुरीपछि जिल्ला प्रशासन कार्यालयले अनुसन्धान गरी २०७५ असोज २६ गते दुवै नागरिकतासँग सम्बन्धित सम्पूर्ण सक्कल कागजात परीक्षणका लागि राष्ट्रिय विधि विज्ञान प्रयोगशालामा पठाएकोे थियो।
त्यसपछि विज्ञान प्रयोगशालाले दुवै नागरिकता एउटै व्यक्तिको भएको पुष्टि गर्दै २०७५ कात्तिक ५ गते जिल्ला प्रशासन कार्यालयलाई पत्राचार गरेको हो। ‘विधि विज्ञान प्रयोगशालाले दुवै नागरिकता एउटै व्यक्तिको हो भनेर जवाफ दिएको छ। मन्त्रालयमा कुरो गरेको, उताबाट सबै कागजात यतै पठाउनू भनेर लिखित रूपमा माग भएकाले सबै फाइल मन्त्रालयमा पठाएका छौं।’ प्रमुख जिल्ला अधिकारी गञ्जबहादुर एमसीले भने, ‘यससम्बन्धी सबै कारबाही अब उतैबाट हुनेछ।’
उता उजुरीकर्ता हरिबहादुर पुनले भने प्रमुख जिल्ला अधिकारीले आफ्नो अधिकार प्रयोग नगरेकाले थप कानुनी प्रक्रियाका लागि अदालत जाने चेतावनी दिएका छन् । नेपाल नागरिकता ऐन २०६३ तथा नेपाल नागरिकता नियमावली २०६३ मा र नागरिकता प्रमाण पत्र वितरण कार्यविधि निर्देशिका २०६३ अनुसार झुटा विवरण दिई दुई वा दुईभन्दा बढी नागरिकता लिएको भए पहिला लिएको नागरिकतालाई कायम गरी पछिल्लो नागरिकता प्रमुख जिल्ला अधिकारीले रद्ध गर्नु पर्नेछ ।
उता सोही ऐन, नियमावली र कार्यविधिमा ‘कसैले झुटो विवरणका आधारमा नागरिकता बनाई प्रचलनमा ल्याएमा त्यस्तो कार्य गर्ने गराउनेलाई एक वर्षदेखि पाँच वर्षसम्म कैद वा २० हजारदेखि एक लाख रुपैयाँसम्म जरिबाना वा दुवै सजाय हुने,’ व्यवस्था छ।
उजुरीकर्ता पुनले पेस गरेको उजुरीमा वडाध्यग्क्ष खत्रीका बुबा पठु खत्रीका पाँच भाइ छोरा छन्। भिउदे, धनीराम, वीरबहादुर, मोतीराम र डण्डपानी। वीरबहादुर (साइँला) को २०४० सालमा मृत्यु भएपछि भिउदे हालका वीरबहादुरले तत्कालीन पाखापानी गाउँ पञ्चायतमा नागरिकता बनाउन खटिएका टोलीलाई झुक्याएर मृत्यु भएका भाइको नामबाट नागरिकता लिएका हुन् ।
जिल्ला प्रशासन कार्यालयको रेकर्डअनुसार पनि दुई नाममा दुईवटा नागरिकता लिएको देखिन्छ। उनले भिउदे खत्रीको नामबाट २०४२ मंसिर १० गते, ३८९२ नम्बरको नागरिकता जिल्ला प्रशासन कार्यालयबाट प्राप्त गरेका छन्। जसमा जन्ममिति २०४४ साउन १४ गते उल्लेख गरिएको छ। हालका वीरबहादुर अर्थात् भिउदेले मृत्यु भएका साइँला भाइ वीरबहादुरको नामबाट २०४६ वैशाख १५ गते जन्ममिति २०२७ भदौ १ राखेर १८६ नम्बरको नागरिकता टोलीमार्फत लिएका हुन् ।
साभार : नागरिक न्यूज
२१ बैशाख, धनगढी । सुदूरपश्चिम प्रदेशका मुख्यमन्त्री दीर्घ सोडारीलाई विश्वासको मत नदिन नागरिक उन्मुक्ति...
२१ बैशाख, झापा । झापाको दमकमा एक युवकले चलाएको गोली लागेर एक छात्रा घाइते भएकी छन् । शुक्रबार दिउँसो सिराहाका...
२१ बैशाख, काठमाडौं । राष्ट्रपति रामचन्द्र पौडेलले निरंकुश शासनको अन्त्य र संघीय लोकतान्त्रिक गणतन्त्र...
२१ बैशाख, काठमाडौं । राष्ट्रपति रामचन्द्र पौडेलले संघीय संसदको बजेट अधिवेशन आह्वान गरेका छन् । सरकारको...
२१ बैशाख, हेटौंडा । आज ३१औँ विश्व प्रेस स्वतन्त्रता दिवस विभिन्न कार्यक्रम गरि मनाइदैछ । दिवसकै अवसर पारेर नेपाल...
२१ बैशाख, हेटौंडा । हाल नेपालमा पश्चिमी वायु र स्थानीय वायुको आंशिक प्रभाव रहेको छ । देशको पहाडी भू-भागमा आंशिक...
२० बैशाख, हेटाैडा । हेटाैडा ६ चाैघडामा रहेकाे हेटाैडा स्वास्थ्य चाैकीले बिहीबार देखी जनता स्वास्थ्य ...
२० बैशाख, काठमाडौं । निर्वाचन आयोगले बैशाख १५ गते भएको उपनिर्वाचनको मतपरिणाम सहितको प्रतिवेदन राष्ट्रपति...
२० बैशाख, काठमाडौं । प्रधानमन्त्री पुष्पकमल दाहाल र नेकपा एमाले अध्यक्ष केपी शर्मा ओलीबिच भेटवार्ता भएको छ...
१२ बैशाख, हेटौंडा । बागमती प्रदेश सरकारले वैशाख २४ गते सार्वजनिक बिदा दिने निर्णय गरेको छ । प्रदेश सरकारको बुधवार...
९ बैशाख, हेटौंडा। पूर्व पश्चिम राजमार्ग अन्तर्गत हेटौंडा-१० मा भएको सवारी दुर्घटनामा घाईते व्यक्तिको उपचारको...
१० बैशाख, हेटौंडा। सरकारले मंगलबार सार्वजनिक बिदा दिएको छ। कतारका राजा अमिर शेख तमिम बिन हमाद अल थानीको नेपाल...
१२ बैशाख, हेटौंडा। त्रिभुवन राजपथ अन्तर्गत मकवानपुरको भीमफेदी-३ त्रिखण्डी नजिक मोटरसाइकल सुमोसँग ठक्कर खादा...
८ बैशाख, हेटौंडा। हेटौंडा औद्योगिक क्षेत्रमा रहेको कार्टुन उद्योगमा आगलागी भएको छ।आइतबार बिहान हेटौंडा-८ मा...
१४ बैशाख, हेटौंडा । काठमाडौँको न्युरोडबाट एक किलो ८ सय ग्राम सुन र डेढ करोड नगदसहित ७ जना पक्राउ परेका छन् । पक्राउ...
१५ बैशाख, हेटौंडा। हेटौंडा हुदै काठमाडौँ जोड्ने बैकल्पिक मार्गको रुपमा रहेको कान्तिलोकपथ बैशाख १६ गते ...
१३ बैशाख, हेटौंडा। मकवानपुरको मनहरीमा खोलामा डुबेर एक जनाको मृत्यु भएको छ ।बिहीबार दिउँसो मनहरी खोलामा नुहाउन...
१८ बैशाख, ललितपुर । ललितपुरको गोदावरी नगरपालिका–४ स्थिति तपेश्वर सामुदायिक वनमा लागेको डढेलो निभाउने क्रममा...