साहित्य संगमको ‘संगीत श्री’ सम्मान महर्जनलाई 

२२ फागुन, हेटौँडा । मकवानपुरको अग्रणी साहित्यिक संस्था साहित्य संगम मकवानपुरले यस वर्षको मकवानपुर संगीत श्री सम्मान गायक तथा संगीतकार प्रमेन्द्र महर्जनलाई प्रदान गर्ने भएको छ ।
संगमको बुधबार बसेको बैंठकले लामो समयदेखि गीतसंगीतको माध्यमबाट मकवानपुरलाई योगदान दिंदै आएका महर्जनलाई सम्मान गर्ने निर्णय गरेको संगमकी उपाध्यक्ष अनिता न्यौपानेले जानकारी दिइन् । उनलाई मकवानपुर संगीत श्री सम्मानका साथमा १० हजार नगद पनि प्रदान गरिने छ । महर्जन संगीत समाज मकवानपुरका अध्यक्ष हुन् ।
यसैगरी यस वर्षको शेषजंग स्मृति कथा पुरस्कार हेटौंडा–१८ हर्नामाडीमा रहेको ज्योति माविका विद्यार्थी महेश देवकोटाले पाउने भएका छन् । शिक्षासेवी डेन्टीजंग शाहले छोराको स्मृतिमा उक्त पुरस्कार स्थापना गरेका हुन् ।
जिल्लाका सबै विद्यालयबाट कथा लेखन प्रतियोगिता गराई त्यसबाट उत्कृष्टलाई शेषजंग कथा पुरस्कार प्रदान गर्ने गरिएको छ । निर्णायक कमिटीको नजिता अनुसार कथातर्फको पुरस्कारमा देवकोटा छनोट भएको उपाध्यक्ष न्यौपानेले जानकारी दिइन् । उक्त पुरस्कारको राशी २ हजार ५ सय रहेको छ ।
यस्तै यस वर्षको णकुमारी स्मृति साहित्य पुरस्कार मकवानपुर गढी गाउँपालिकाको आमभञज्याङमा रहेको शारदा माविका छात्रा सरिता तिमल्सिनालाई प्रदान गरिने भएको छ । जिल्ला भरिका विद्यालयका छात्रा बीच भएको प्रतिष्प्रर्धाबाट तिमल्सिना छानिएकी हुन् । उनले पनि नगद २ हजार ५ सय प्राप्त गर्ने छिन् । उक्त पुरस्कार हास्यव्याङ्यकार आरसी रिजालले आमाको स्मृतिमा स्थापना गरेका हुन् । 
मकवानपुर श्री सम्मान र दुवै पुरस्कार फागुन २५ गते संगमले विशेष साहित्यिक कार्यक्रमको आयोजना गरेर वितरण गर्ने उपाध्यक्ष न्यौपानेले जानकारी दिइन् ।