गढिमा शनिबार २५ टिपर ट्राफिक प्रहरीको कारबाहिमा

२५ फागुन, हेटौँडा । हेटौँडाका मुख्य राजमार्गमा अन्य सवारी साधन सहित टिपरहरुले ढाला भन्दा माथी समान र ढुङ्गा बोक्न थालेपछि जिल्ला ट्राफिक प्रहरी कार्यालय मकवानपुरले त्यस्ता समान र ढुङ्गा बोक्ने टिपरहरुलाई कारबाही अभियान चलाएको छ । 
मकवानपुर ट्राफिक प्रहरीले विशेष अप्रेशनको रुपमा मकवानपुर जिल्लाका बिभिन्न स्थानबाट सवारी साधनको ( बिशेष गरी टिपर) ले ढाला भन्दा माथी लोड गरी ल्याउने सवारी साधन हरुलाई कारबाही गर्ने अभियान चलाएको हो । 
 सोहि क्रममा शुक्रबार मकवानपुर ट्राफिक प्रहरीले ढाला भन्दा माथी  ढुङ्गा बोक्न  ९ वटा टिपरहरुलाई नियन्त्रणमा लिई कारवाही गरेको थियो ।
यसै क्रममा जिल्ला ट्राफिक प्रहरी कार्यालय मकवानपुरले गढि गाउपालिका २ र्धमपानी स्थित कान्तिलोकपथमा शिवम सिमेन्टको ढुङ्गा बोकेको २५ टिपरलाई कारबाहि गरेको छ । जिल्ला ट्राफिक प्रहरी कार्यालय मकवानपुरका प्रमूख प्रहरी निरीक्षक बिरेन्द्र कुमार ठाकुरले ढाला भन्दा माथी ढुङ्गा लोड गरी ल्याएको पाईएपछि जरीवाना गराई कारबाहि गरेको बताए । उनले हामीले सचेत गराए जारिवाना काटेका छौ, भोलि फेरी पुन ढाला भन्दा माथी लोड गरी ल्याएको पाइएमा यो भन्दा कडा कारबाहि गरिने प्रस्ट खबरलाई बताए । 
जिल्लाका विभिन्न संचारमाध्यमका टिपरले ढाला भन्दा माथी ढेङ्गा लोड गरी ल्याउने गरेको समाचार प्रकाशित, प्रशारण भएपछि ट्राफिक प्रहरी कार्यालय मकवानपुरले यस्ता टिफरलाई कारबाहिका लागि सक्रियता देखाएको छ ।