गढीमा शिक्षक संघको प्रथम स्थानीय प्रतिनिधि सभा

२५ फागुन, हेटौँडा । नेपाल शिक्षक संघ मकवानपुरगढीको प्रथम स्थानीय प्रतिनिधि सभा तथा बनभोज कार्यक्रम सम्पन्न भएको छ । 

मकवानपुर गढी शिक्षक संघ अध्यक्ष यादवराज बरालको सभाध्यक्षता भएको कार्यक्रम शिक्षक संघ प्रदेश नम्बर ३का उपाध्यक्ष दीपकलाल खतिवडाको प्रमुख आतिथ्यता तथा नेपाल शिक्षक संघ मकवानपुरका अध्यक्ष रामकुमार अधिकारीको विशेष आतिथ्यमा सम्पन्न भएको थियो ।
 कार्यक्रममा नेपाल शिक्षक संघका उपध्यक्ष गणेश हुमागाई, नेपाली कांग्रेस मकवानपुरका शिक्षा बिभाग प्रमुख कृष्णप्रसाद दहाल, कृषि, वन, सहकारी बिभाग प्रमुख अर्जुनप्रसाद दहाल, मकवानपुरगढी वडा नम्बर २ का वडाध्यक्ष बखान सि पाख्रीन, वडा नम्बर ८ का वडाध्यक्ष कुमार सि घिसिङ, नेपाल शिक्षक महासंघका सचीव राजु गौतम, नेपाल शिक्षक संघका सचिव अर्थ केशव देबकोटा, मकवानपुरगढी नेपाली काग्रेस संयोजक दोर्जे लामा स्याङ्तान, शारदा मा. बि. का शिक्षक भोगेन्द्र झा लगायतले मन्तब्य व्यक्त गरेका थिए।
 कार्यक्रममा बोल्दै प्रमुख  अतिथी खतिवडाले शिक्षकका पेशागत हक अधिकार जतिसुकै शक्तिशाली तागतले खोस्ने चेस्टा गरेपनि सफल नहुने बताए । कार्यक्रमा संघका जिल्ला अध्यक्ष रामकुमार अधिकारीले शिक्षक मर्या्दित पेशा भएको र यस पेशालाई उपयुक्त नीति र प्रबिधि मैत्री बनाइ अघि बढ्न सके देशको बिकास सम्भब हुने बताए । त्यसैगरी कार्यक्रममा बोल्दै संघका उपाध्यक्ष गणेश हुमागाईले शिक्षकहरु हक र अधिकारका लागि पटक पटक सरकारसंग लड्नु पर्ने वातावरणको अन्त्य हुनुपर्ने बताएका छन । 
मकवानपुरगढिका ८० भन्दा बढी शिक्षकको उपस्तिथि रहेको कार्यक्रमको स्वागत सरस्वती अधिकारीले गर्नु भएको थियो भने सन्चालन राजु फुयालले गरेका थिए ।