अग्नीहोत्राश्रममा बस्तीपुर जेसीजको सहयोग

२७ फागुन, हेटौँडा । बस्तीपुर जेसीज हाँडीखोलाको नवौं स्थापना दिवसमा मनहरी गाउँपालिका–९ रजैयामा रहेको अग्नीहोत्राश्रममा सहयोग हस्तान्तरण गरिएको छ । आश्रमको लागि सोमबार १५ हजार रुपैयाँ बराबरको खानेपानी शुद्धिकरण गर्ने मेसिन र एउटा चौतारा निर्माणको लागि नगद १२ हजार रुपैयाँ सहयोग हस्तान्तरण गरिएको हो । 
कार्यक्रम संयोजक विजय पौडेलको संयोजकत्व एवं बस्तीपुर जेसीजका अध्यक्ष सुनिल अधिकारीको अध्यक्षतामा भएको कार्यक्रममा अग्नीहोत्राश्रमका संरक्षक डा. सिताराम खनालको प्रमुख आतिथ्यता थियो । प्रमुख अतिथि खनालले जेसीजको सहयोगले आश्रमको विकासमा केही राहत मिल्ने भन्दै सामाजिक गतिविधिलाई निरन्तरता दिन अनुरोध गरे । बस्तीपुर जेसीजका संस्थापक अध्यक्ष गणेशप्रसाद भेटवालले स्थापनाको ८ बर्ष पूरा हुँदै गर्दा बस्तीपुर जेसीजको आतिथ्यतामा राष्ट्रियस्तरका कार्यक्रमहरु भैसकेको भन्दै खुसी व्यक्त गरे ।
कार्यक्रममा जेसीजका सल्लाहकार हरिवंश भेटवाल, कार्यकारिणी उपाध्यक्ष विदुर थापालगायतले मन्तव्य व्यक्त गरेका थिए । जेसीजका अध्यक्ष सुनिल अधिकारीले आफ्नो कार्यकालमा यस्ता सहयोगको कार्यक्रमले निरन्तरता पाउँदै जाने जानकारी दिए । सहयोग हस्तान्तरण कार्यक्रममा बस्तीपुर जेसीजका निवर्तमान अध्यक्ष राममणी बर्तौला, पूर्व अध्यक्षद्वय पुस्कल न्यौपाने, विनोदकुमार बर्तौलालगायतको आतिथ्यता थियो ।