वडा बासिको बिमा गरेका बानियाँको वृद्धाश्रमलाई वासिङ मेसिन सहयोग

२ चैत,हेटौंडा। हेटौंडा  उपमहानगरपालिका वडा नम्बर–५ का वडाअध्यक्ष राजेश बानियाँले उपहार स्वरुप पाएको लुगाधुने मेसिन  बृद्धाश्रमलाई सहयोग गरी उदाहरणीय काम गरेको छन।

 जननिर्वाचित वडाध्यक्ष बानियाँले हेटौंडा–२, चौकीटोलमा रहेको ओम बृद्धाश्रमलाई  करिब ५० हजार रुपियाँ बराबरको लुगाधुने मेसिन सहयोग गरेका हुन् ।

उनले  मकवानपुर उद्योग बाणिज्य संघको आयोजनमा हेटौंडामा सम्पन्न राष्ट्रिय औद्योगिक व्यापार महोत्सवको उपहार कार्यक्रमअन्तर्गत् आफूलाई प्राप्त भएको लुगाधुने मेसिन आफुले प्रयोग नगरीआश्रमलाई सहयोग गरेका हुन् ।

हेटौंडाका विभिन्न आश्रमको तुलनामा ओम बृद्धाश्रममा तुलनात्मकरुपमा सहयोग कम भएकोले आफुले उपहार स्वरुप पाएको उक्त वासिङ मेसिन सहयोग गरेको बताए। उनले  अन्य आश्रममा भन्दा बढी बृद्धबृद्धा रहेको आश्रमलाई राज्यको तर्फबाट खासै सहयोग भएको नभएको कारण सानो सहयोग उपलब्ध गराएको बताए। बानियाँले यसअघि पनि उक्त आश्रमका लागि आवश्यक सिमेन्ट सहयोग उपलब्ध गराएका थिए ।

वडा अध्यक्ष बानियाँले आफ्नो वडामा आर्थिक अवस्था न्यून भएकाहरुको स्वास्थ्य वीमा गराएर देशभर चर्चा बटुलेका थिए । ‘मैले प्राप्त गरेको सेवासुविधा समेत मैले वडाको मात्र नभएर जिल्लाको विकासमा खर्च गरिरहेको छु ।’, बानियाँले भने ।

सहयोग हस्तान्तरण कार्यक्रममा वडा नम्बर १ का अध्यक्ष सविन न्यौपाने, वडा नम्बर–१४ का अध्यक्ष दीपक खड्का, नेपाल पत्रकार महासंघ ३ नम्बर प्रदेशका अध्यक्ष प्रताप विष्ट तथा ओम बृद्धाश्रम अध्यक्ष बुद्धिप्रसाद पौडेललगायत सहभागी थिए । आश्रममा २८ जना बृद्धबृद्धा आश्रित छन् ।