टोल विकास हेटौँडा–६ को अध्यक्षमा धिताल, सचिवमा पौडेल

२ चैत, हेटौँडा । टोल विकास संस्था वडा समन्वय समिति हेटौंडा उपहानगरपालिका वडा नम्बर ६ को अध्यक्षमा केशव धिताल सर्वसम्मत चयन भएका छन् । 
शनिबार सम्पन्न चौथो साधारण सभा तथा अधिवेशनबाट धितालको अध्यक्षतामा ११ सदस्यीय नयाँ कार्यसमिति सर्वसम्मत चयन भएको हो । जसको उपाध्यक्षमा रोशन घिमिरे, सचिवमा विजय पौडेल र कोषाध्यक्षमा भवानी दुलाल रहेका छन् । त्यसैगरी सदस्यहरुमा शोभा ढुंगाना, राजकुमार फुँयाल, भगवती दाहाल, सरिता सापकोटा, हरिप्रसाद दाहाल, मदन न्यौपाने  र जिव कुमारी पौडेल रहेको निर्वाचन समितिका संयोजक एवम् टोल विकास संस्था नगर समन्वय समितिका सचिव देवकुमार श्रेष्ठले जानकारी दिए ।
टोल विकास संस्था  वडा समन्वय समिति हेटौंडा ६ का अध्यक्ष गणेशबहादुर दुलालको अध्यक्षतामा भएको कार्यक्रममा हेटौंडा उपमहानगरपालिकाका उपप्रमुख मीना लामाको प्रमुख आतिथ्यता रहेको थियो । कार्यक्रममा हेटौंडा उपमहानगरपालिका वडा नम्बर ६ का अध्यक्ष अर्जुनप्रसाद चौलागाई, नगर कार्यपालिका सदस्य कल्पना विश्वकर्मा, हेटौंडा उपमहानगरपालिका सामाजिक विकास महाशाखा प्रमुख भीमप्रसाद तिमल्सिना, टोल विकास संस्था नगर समन्वय समितिका उपाध्यक्ष सती न्यौपानेलगायतकाले मन्तव्य व्यक्त गरेका थिए । 
अध्यक्षमा चयन भएका धितालले वडामा रहेका २३ वटै टोल विकास संस्थाहरुलाई समेटेर अगाडि बढ्ने प्रतिक्रिया दिए । टोल सुधारका लागि आफ्नो नेतृत्वमा गठन भएको समितिले काम गर्ने उनलदे प्रतिबद्धता व्यक्त गरे । ३ वर्षे कार्यकाललाई नमुनालायक बनाएर जिल्लामा देखाउने उनले बताए ।