घाट व्यवस्थापन समितिको अध्यक्षमा थापा चयन 

२ चैत, हेटौँडा । परम्परादेखि मृत्यु संस्कार गर्दै आएको स्थान मासिदै गएपछि हेटौडा–५,६ र ७ का स्थानीयहरुको शनिवार हेटौडा–५ क्याम्पाडाडाँमा भेला भै छलफल गरेका छन । भेलाले जीत बहादुर थापाको संयोजकत्मा कर्णावती घाट व्यवस्थापन समिति गठन गरेको छ । 
समितिको सचिवमा ध्रुव प्रसाद चौलागाई,कोषाध्यक्षमा रोमबहादुर न्यौपानेलाई चयन गरिएको छ । सदस्यहरुमा भीमसेन पौडेल, अर्जुनप्रसाद हुमागाई, श्रीराम पुडासैनी, राजकुमार बास्तोला, साधुराम चौलागाई, नारायणप्रसाद अधिकारी, रामहरी तिमल्सिना रहेका छन । यसैगरी श्रवणकुमार बत्र्तौला, जर्नादन पौडेल, बासुदेव अधिकारी, रामहरी चौलागाई, भीषण चौलागाई, कृष्णबहादुर मानन्धर, रघुप्रसाद आचार्य लगायत रहेका छन् । 
नयाँ समितिले जग्गा छुट्याउने,आर्थिक संकलन गर्ने र क्याम्पाडाडाँको सार्वजनिक जग्गामा दाह संस्कार,किरिया घर र मलामी बस्ने ठाउको निर्माण गर्नेछ  । यस स्थानमा परम्परादेखि नै हेटौडा–५,६ र ७ नम्बर का बासिन्दाहरुले दाह संस्कार गर्दै आएकोमा हाल उक्त जग्गा व्यक्तिको नाममा दर्ता भएकोमा यहाँका स्थानीयहरुले आक्रोश समेत व्यक्त गरेका छन् । 
कार्यक्रममा हेटौडा–६ का वडा अध्यक्ष अर्जुनप्रसाद चौलागाई,उद्योग संघ,हेटौडाका अध्यक्ष नवराज अर्याल,मकवानपुर जिल्ला दुग्ध उत्पादक सहकारी संघका अध्यक्ष बासुदेव अधिकारी,हेटौैडा–६ का वडा सदस्य राजकुमार बास्तोला, स्थानीय र संचारकर्मीहरुको सहभागिता रहेको थियो ।