अबको राजनीतिमा युवालाई अवसर दिनुपर्छ : बानियाँ

२ चैत, हेटौँडा । नेपाली कांग्रेस ३ नम्बर प्रदेश संसदिय दलका नेता एवम मकवानपुर सभापति इन्द्र्रबहादुर बानियाँले अवको राजनितिमा युवालाई अवसर प्रदान गर्नुपर्ने बताएका छन् ।
मुलुकको हरेक परिवर्तनमा युवाको भूमिका सधै अहम रहेको बताउँदै युवालाई राजनितिबाट बाहिर राख्न नसकिने बताए । स्कुल अफ डेमोक्रेसीको आयोजनामा हेटौँडामा भएको युवा नेतृत्व र नेपालको राजनिति विषयक अन्तकृया कार्यक्रममा बोल्दै नेता बानियाँले अहिलेका युवा राजनितिबाट टाडिएको उल्लेख गरे । उनले राजनिति सबैका लागी हुनुपर्नेमा पनि जोड दिए । सहज नेतृत्व हस्तन्तरण प्रकृयामा हुने गरेको अवरोधका कारण धेरै युवाहरुमा राजनिति प्रति वितृष्णा बढदै गएकोमा चिन्ता व्यक्त गर्दै नेता बानियाँले मुलुकलाई सहि मार्गमा ल्याउन युवाले आफनो भुमिका खेल्ने बेला आएको बताए । 
स्कुल अफ डेमोक्रेसीका उपाध्यक्ष विष्णुदेवी पाण्डेको अध्यक्षतामा भएको कार्यक्रममा नेपाल विद्यार्थी संघका निवर्तमान केन्द्रीय अध्यक्ष नयनसिंह महर, चन्द्रदेव भटट, शौगेन्द्र मण्डल, कृष्ण दाहालले कार्यपत्र प्रस्तुत गर्नुभएको थियो । 
कार्यक्रममा नेपाली कांग्रेस मकवानपुरका जिल्ला सचिव बुद्ध लामा, कोषाध्यक्ष गोपिलाल विश्वकर्मा, नेपाल प्रेस युनियनका मध्यमाञ्चल संयोजक एवम केन्द्रीय सदस्य राममणी दाहाल, मकवानपुर अध्यक्ष कुमार अधिकारी, तरुण दलका जिल्ला अध्यक्ष इश्वर पाठक, नेविसंघ मकवानपुरका अध्यक्ष राजु खतिवडा लगायतको उपस्थिति रहेको थियो ।