संजीवनीको आयोजनामा निशुल्क स्वास्थ्य शिविर

२ चैत, हेटौँडा । हेटौंडा ५ पिप्लेमा रहेको संजीवनी बचत तथा ऋण सहकारी संस्थाले आफ्नो वार्षिक कार्यक्रम अन्र्तगत शनिबार निशुल्क स्वास्थ्य शिविरको आयोजना गरेको छ । 
सहकारीले हेटौंडा ५ मा रहेको ज्ञानोदय बालबाटिका वोर्डिङ स्कुलमा निशुल्क स्वास्थ्य शिविर गरेको हो । हेटौंडा उपमहानगरका मेयर हरिबहादुर महतको प्रमुख अतिथ्यतामा शिविर सञ्चालन भएको थियो । शिविरमा पाठेघरको मुखको क्यान्सर परिक्षण , दन्त (दाँत) परिक्षण, मधुमेह (सुगर) परिक्षण, उच्च रक्तचाप (ब्लड प्रेसर ) परिक्षण गरिएको थियो । शिविरमा दुई सय चालिस जनाले मधुमेह, दुई सय ४३ जनाले उच्च रक्तचाप, ७८ जनाले दन्त र ९५ जनाले पाठेघरको मुखको क्यान्सरको परिक्षण गरिएको स्वास्थ्य शिविर कार्यक्रम संयोजक यम बहादुर श्रेष्ठले जानकारी दिए । शिविरमा पाठेघरको क्यान्सर परिक्षण गर्दा एक जनामा पोजेटिभ देखिएको छ भने ३ जनामा सम्भावित देखिएको हेटौंडा उपमहानगरपालिकाका स्वास्थ्य विभागका प्रमुख सुपेन्द्र कार्कीले बताए ।
 शिविरमा कान्तिुपर डेण्टल क्लिनिक, मेरि स्टोप्प सेन्टर र मेलान मकवानपुर सहर्काय रहेको थियो । कार्यक्रममा नेफ्स्कुनका मकवानपुर फिल्डका व्यवस्थापक ज्योती महत, सहकारी संस्थाका नि वर्तमान अध्यक्ष पूर्ण बहादुर खनाल, वडा ५ का वडा सदस्यहरु, संस्थाका शेयर सदस्यहरुको उपस्थिती रहेको थियो । कार्यक्रम संस्थाका अध्यक्ष रण बहादुर कार्कीको अध्यक्षतामा सम्पन्न भएको थियो ।