दिपकबहादुर सिंह बने राप्रपाको सहमहामन्त्री (पुरा नामावलीसहित) 

१२ चैत, हेटौँडा । राष्ट्रिय प्रजातन्त्र पार्टीको सहमहामन्त्रीमा मकवानपुरे नेता दिपकबहादुर सिंह मनोनित भएका छन् । राप्रपा केन्द्रीय कार्यालयद्वारा सोमबार जारी प्रेस विज्ञप्तिमा सिंहलाई सहमहामन्त्रीमा मनोनित गरिएको जनाईएको हो । उनीसंगै सहमहामन्त्रीमा अरु ५ जनालाई पनि सहमहामन्त्रीमा मनोनित गरिएको छ । 
राप्रपाका अध्यक्ष कमल थापाले पार्टीको विधान बमोजिम मौजुदा पदाधिकारीको संख्यामा थप गरी २५ जनालाई विभिन्न पदमा मनोनित गरेका छन् । जसमा दुई बरिष्ठ उपाध्यक्ष, ७ उपाध्यक्ष, २ महामन्त्री, ३ प्रवक्ता, ६ सहमहामन्त्री, २ सहायक महामन्त्री, १ सहायक प्रवक्ता, १ केन्द्रीय सदस्य र १ प्रदेश अध्यक्ष रहेका छन् । 
राप्रपाको बरिष्ठ उपाध्यक्षमा बुद्धिमान तामाङ (धादिङ), राजिव पराजुली (पर्सा), उपाध्यक्षमा प्रेमबहादुर भण्डारी (बाँके), टंक ढकाल (भोजपुर(, नरेन्द्रबहादुर चन्द (बैतडी), तोरणबहादुर गुरुङ (स्याङजा), रोशन कार्की (ललितपुर), भिमप्रसाद गौचन (म्याग्दी) र महेशलाल महासेठ (सिरहा) मनोनित भएका छन् । 
त्यस्तै, महामन्त्रीमा रोजन्द्र लिङदेन (झापा) र धवलशम्शेर जबरा (बाँके), प्रवक्तामा सुशिल श्रेष्ठ (महोत्तरी), भुवन पाठक (काठमाण्डौं), निलकण्ठ काफ्ले (नवलपुर) रहेका छन् । सहमहामन्त्रीमा चन्द्रबहादुर गुरुङ (कैलाली), कुन्ति शाही (दैलेख), दिपकबहादुर सिंह (मकवानपुर), भक्तिप्रसाद सिटौला (झापा), अर्जुन राई (खोटाङ) र भरत रायमाझी (काठमाडौं रहेका छन् । 
राप्रपाको सहायक महामन्त्रीमा लिलादेवी श्रेष्ठ (इलाम) र मदनबहादुर कार्की (स्याङ्जा), सहायक प्रवक्तामा रमानन्द न्यौपाने (जुम्ला) मनोनित भएका छन् । प्रदिपकुमार उदय (रुपन्देही) लाई प्रदेश नम्बर ५ को अध्यक्ष र दईन्द्रबहादुर ठकुरीलाई केन्द्रीय सदस्यमा मनोनित गरेको प्रचारविभाग प्रमुख मोहन श्रेष्ठद्वारा जारी विज्ञप्तिमा उल्लेख छ ।