पत्रकार महासंघको स्थापना दिवसमा पुस्कालय उद्घाटन

१६ चैत, हेटौँडा । नेपाल पत्रकार महासंघको ६४ औं स्थापना दिवसको अवसरमा मकवानपुरमा पुस्तकालयको उद्घाटन गरिएको छ । महासंघ मकवानपुरमा स्थापना भएको पुस्तकालय हेटौँडा उपमहानगरपालिकाका प्रमुख हरिबहादुर महतले उद्घाटन गरेका हुन् । 

नेपाल पत्रकार महासंघ मकवानपुरकाका अध्यक्ष हरि हुमागाईको सभाध्यक्षतामा भएको कार्यक्रममा नेपाल पत्रकार महासंघ ३ नम्बर प्रदेशका अध्यक्ष प्रताप विष्ट, जिल्लाका पूर्व अध्यक्ष भानुभक्त आचार्य, महासंघका उपाध्यक्ष कुमार अधिकारी, सचिव गणेशदर्पण अधिकारी, प्रेस सेन्टरकी जिल्ला अध्यक्ष नानीमैया विष्ट, प्रेस युनियनका निवर्तमान अध्यक्ष रुपेश दुलाल, स्वतन्त्र पत्रकार संघका जिल्ला अध्यक्ष सुरेश श्रेष्ठ लगायतले मन्तव्य व्यक्त गरेका थिए ।

कार्यक्रममा सहभागी पत्रकारहरुले महासंघ स्थापना गरी संस्थापक एवं पूर्व प्रधानमन्त्री कृष्णप्रसाद भट्टराईले प्रेस स्वतन्त्रताका लागि पुर्याएको योगदानको प्रशंसा गरेका थिए । उनीहरुले संचारगृह र संचारकर्मीहरुमाथि चुनौति बढेको भन्दै यसको सामनाका लागि सबै क्षेत्रको सहयोगको अपेक्षा गरेका थिए । कार्यक्रममा महासंघका निर्वतमान जिल्ला उपाध्यक्ष गिरिजा अधिकारी, वर्तमान उपाध्यक्ष कुमार अधिकारी लगायतले पुस्तक सहयोग समेत गरेका थिए ।