हेटौँडा अस्पतालबाट मुख्यमन्त्री स्वास्थ्य परीक्षण कार्यक्रमको सुरुवात  

फोटोः सुनिल शिवाकोटी

 
१७ चैत, हेटौँडा । प्रदेश नम्बर ३ सरकारले नसर्ने रोगको समयमा नै पहिचान, रोकथाम, उपचार र त्यसबाट हुने जटिलतालाई न्यूनीकरण गर्न स्वास्थ्य सेवा पहुचबाट टाढा रहेका जन्ताको स्वास्थ्य सेवा परीक्षण गर्ने उद्देश्यले प्रदेश मातहत रहेका ५ वटा जिल्लाको जिल्ला अस्पतालहरुमा सुरु गरेको मुख्यमन्त्री स्वास्थ्य परिक्षण कार्यक्रमको प्रदेशको राजधानी हेटौँडामा रहेको हेटौँडा अस्पताबाट उक्त अभियानको समुदघाटन गरि सुरुवात गरिएको छ ।
आइतबार हेटौंडा अस्पतालमा हेटौँडा १ लालझाडीका ६३ बर्षीया रामप्रसाद तिमल्सिनालाई प्रदेश ३का मुख्यमन्त्री डोरमणी पौडेलले मुख्यमन्त्री स्वास्थ्य परीक्षण कार्यक्रमको फराम वितरण गरेसंग सेवा आरम्भ भएको हो । 
समुदघाटन कार्यक्रममा बोल्दै प्रदेश ३का मुख्यमन्त्री डोरमणी पौडेलले २०७५ माघ २४ गतेको मन्त्रिपरिषद्बाट पारित कार्य्विधि अनुसारनै यस अभियानको थालनि गरिको भन्दै परीक्षणको लागि सम्बन्धित वडा कार्यालयले विपन्न, लोपोन्मुख तथा अल्पसंख्यक जातिहरू, दलित, महिला स्वास्थ्य स्वयम्सेविका, सहिद तथा बेपत्ता परिवार, सशस्त्र द्वन्द्वका घाइतेको पहिचान गरि सेवा लिनका लागि  सिफारिस गरेर पठाउन अनुरोध गरे। 
‘ पहुच नहुनेले स्वास्थ्य परिक्षण गर्न सकुन भन्ने उदेश्यले यस कार्यक्रमको सुरुवात गरिएको र परिक्षणमा दैनिक १६प्रकारको जाच हुने र त्यसको सरदर प्रति व्यक्ती लागत २हजार २ सय पर्ने र उक्त रकम प्रदेश सरकारले अस्पताललाई दिनेछ’ मुख्यमन्त्री पौडेलले बताए । 

समुदघाटन कार्यक्रममा बोल्दै प्रदेश ३का सामाजिक विकास मन्त्री युवराज दुलालले हाल नसर्ने रोगका कारण अहिले धेरै नागरिकको अकालमा ज्यान जाने गरेको भन्दै उपचार सेवाबाट टाढा रहेका ३० वर्षभन्दा माथिका विपन्न, लोपोन्मुख तथा अल्पसंख्यक जातिहरू, दलित, महिला स्वास्थ्य स्वयम्सेविका, सहिद तथा बेपत्ता परिवार, सशस्त्र द्वन्द्वका घाइतेले निःशुल्क स्वास्थ्य परिक्षण गर्न सकुन भन्ने उदेश्यले यस कार्यक्रमको सुरुवात गरिएको बताए । मन्त्री दुललाले आइतबारबाट हेटौँडा अस्पतालबाट सुरुवात गरिएको यस कार्यक्रम हेटौंडा अस्पतालसँगै सिन्धुलिको सिन्धुलि अस्पताल, धादिङको  धादिङ अस्पताल, सिन्धुपाल्चोकको चौतारा अस्पताल र भक्तपुरको भक्तपुर अस्पतालमा  हप्ता देखि १० दिनभित्र कार्यक्रमको सरुवात गरिने बताए ।

उक्त स्वास्थ्य परीक्षण कार्यक्रम प्याकेजमा युएसजी, इसीजी, फोक्सो, कलेजो, मृगौला जाँच, रगत लगायतका परीक्षण गर्न सकिने जनाईएको छ