आइतबार ७ विधेयक प्रदेशसभामा प्रस्तुत

१७ चैत, हेटौँडा । प्रदेशसभाको हिउँदे अधिवेशनको पहिलो बैठकमा ७ वटा विधेयक प्रस्तुत भएका छन् । ३ वटा विधेयक दफावार छलफलका लागि समितिमा पठाईएका छन् । ३ वटा विधेयकको संशोधन र एउटा नयाँ विधेयक प्रदेशसभामा प्रस्तुत भएका छन् ।
बैठकमा प्रदेश ३ का उद्योग, पर्यटन, वन तथा वातावरण मन्त्री अरुण नेपालले पेश गरेको प्रदेश भित्रको राष्ट्रिय वनको संरक्षण र सुब्यबस्था गर्न बनेको बिधेयक, प्रदेशभित्र औद्योगिक व्यवसाय स्थापना तथा संचालन गर्न बनेको विधेयक, भूमि व्यवस्था, कृषी तथा सहकारी मन्त्री दावादोर्जे लामाले प्रस्तुत गरेको प्रदेश सहकारी सम्बन्धमा व्यवस्था गर्न बनेको बिधेयक पनि दफावार छलफलका लागि सम्बन्धित समितिमा पठाईएको छ । 
त्यस्तै,  आन्तरिक मामिला तथा कानुन मन्त्री शालिकराम जम्कट्टेलबाट प्रस्तुत प्रदेश सभाका पदाधिकारी तथा सदस्यहरुको पारिश्रमिक र सुबिधा ऐन, २०७५ लाई संसोधन गर्न बनेको बिधेयक र प्रदेशस्तरका केही सार्वजनिक लिखित प्रमाणिकरण ऐन २०७४ लाई संशोधन गर्न बनेको बिधेयक सभामा प्रस्तुत गरेका छन् । आर्थिक मामिला तथा योजना मन्त्री कैलाश प्रसाद ढुंगेलले कर तथा गैरकर राजस्व सम्बन्धी ऐन २०७५ लाई संशोधन गर्न बनेको बिधेयक सभामा प्रस्तुत गरेका छन् ।  
प्रदेशका सामाजिक बिकास मन्त्री युवराज दुलालले प्रदेश बालबालिकाको अधिकार सम्बन्धमा व्यवस्था गर्न बनेको बिधयक सभामा प्रस्तुत गरेका छन् ।