ला लिगा लिडर बार्सिलोना हारबाट जोगियो

२० चैत्र, हेटौँडा । ला लिगाको लिडर बार्सिलोनाले भिल्लारियलसँग चार–चार गोलको बराबरी खेलेको छ । गोलको वर्षा भएको खेलमा बार्सिलोनाले १० खेलाडीमा झरेको भिल्लारियलविरुद्ध दुई गोलले पछि परेको अवस्थामा खेलमा कमब्याक ग¥यो ।
निकै रोमाञ्चक बनेको खेलको १२ औं मिनेटमा फिलिप कोउन्टिन्होको गोलमार्फत बार्सिलोनाले अग्रता लिएको थियो । त्यसपछि १६ औं मिनेटमा माल्कोमले गोल गर्दै बार्सिलोनालाई दुई शून्यले अगाडि राखे । 
तर त्यसपछि भिल्लारियलले उत्कृष्ट कमब्याक गर्दै लगातार चार गोल गर्न सफल भयो । २३ औं मिनेटमा चुकविजीले गोल गरे भने ५० औं मिनेटमा टोको इकाम्बीले गोल गर्दै खेल दुई दुईको बराबरीमा पु¥याए । 
यसैगरी ६२ औं मिनेटमा लीबोरा र ८० औं मिनेटमा बाक्काले गोल गरेपछि बार्सिलोना चार दुईले पछि प¥यो । 
तर ८६ औं मिनेटमा भिल्लारियलका गोञ्जालेज दोहोरो पहेलो कार्ड पाउँदै मैदानबाट बाहिरीएपछि टिम १० खेलाडीमा सिमति भयो । जसको फाइदा लिँदै बार्सिलोनाले तीन मिनेटमा दुई गोल फर्कायो । बार्सिलोनाका लागी ९० औं मिनेटमा मेस्सीले गोल गरे भने इन्जुरी समयको तेस्रो मिनेटमा लुइस स्वारेजले गोल गर्दै टिमलाई हारबाट बचाए । बराबरीपछि बार्सिलोनाले ३० खेलबाट ७० अंक बनाएको छ ।