गाडिको त्रिपालमाथी त्रिपालले छोपेर गाँजा ओसारपसार    

  २१ चैत, हेटौँडा । मकवानपुर प्रहरीले मकवानपुर जिल्लामा हुने लागुपदार्थ ओसारपसार तथा बेचविखनलाई नियन्त्रण गर्ने अभियान चलाईरहदा बुधबार तसकरहरुले  गाडिको त्रिपालमाथी त्रिपालले छोपेर गाँजा ल्यारहेको अवस्थामा २ सय १२ केजी गाँजा सहित २ जनालाई पक्राउ गर्न मकवानपुर प्रहरी सफल भएको छ ।
लागूऔषध गाँजा ओसापसार गरिरहेको अवस्थामा २ सय १२ किलो गाँजा र गाँजा ओसारपसार गर्ने गाडी सहित दुईजनालाई पक्राउ गरेको हो  । 
जिल्ला प्रहरी कार्यालय मकवानपुरमा बिहिबार बिहान पत्रकार सम्मेलन गर्दै यस बारेमा जानकारी गराएको छ ।
 जिल्ला प्रहरी कार्यालय मकवानपुरका प्रहरी निरीक्षक पबनकुमार झाको नेतृत्वको टोलिले विषेश सुचनाको आधारमा मनहरीबाट हेटौंडा बजार तर्फ आउँदै गरेको ना ३ च ३७९६ नम्बरको पिकअप गाडीलाई चेक जाच गर्दा उक्त गाडिका गाडीमा ३० वटा पोकामा मेसिनले च्यापेको तयारी गाँजा  सहित दुईजनालाई पक्राउ गरिएको जिल्ला प्रहरी कार्यालय मकवानपुरले जनाएको छ । पक्राउ पर्नेमा गाडिका चालक महोत्तरीको बर्दिबास नगरपालिका वडा नम्बर ११ बस्ने ३६ बर्षिय रामजस यादब र सोही स्थानका १९ बर्षिय उज्वल गुर्मछाने मगरलाई पक्राउ गरिएको जिल्ला प्रहरी कार्यालय मकवानपुरका प्रहरी प्रमुख प्रहरी उपरीक्षक मुकेश कुमार सिङले बताए  । पक्राउ परेका दुबैजनालाई प्रहरीले लागूऔषध नियन्त्रण ऐन २०३३ बमोजिम अदालतमा मुद्धा दायर गरी कारवाही प्रकृया अघि बढाईएको प्रहरी उपरीक्षक सिङले बताए।