नेकपा निकट मुक्ति समाज र दलित मुक्ति मोर्चाको कार्यकर्ता भेला सम्पन्न

२२ चैत, हेटौँडा । नेपाल उत्पिडित जातिय मुक्ति समाज मकवानपुर र नेपाल राष्ट्रिय दलित मुक्ति मोर्चा मकवानपुरको संयुक्त आयोजनामा जिल्ला स्तरिय दलित कार्यकर्ता भेला तथा प्रशिक्षण कार्यक्रम सम्पन्न भएको छ । नेकपा पार्टि कार्यालयको सभाकक्षमा भएको कार्यक्रम मुक्ति समाजका जिल्ला अध्यक्ष रत्नलाल विकको सभापतित्व एवं नेकपा केन्द्रीय सदस्य केदार न्यौपानेको प्रमुख आथिथ्यतामा तथा कार्यक्रममा दलित उत्थान विकास समितिका कार्यकारी निर्देशक बुद्धि नेपालीको बिषेश आतिथ्यतामा सम्पन्न भएको हो। 
कार्यक्रममा बोल्दै  दलित उत्थान विकास समितिका कार्यकारी निर्देशक नेपालीले छुवाछुत नेपालमा मात्र नभई भारत पािकस्तान वंगलादेश श्रिलंका लगायतका देशमा समेत रहेको बताए । उनले अरुको भरमा नपरी दलितहरूले आफुले नै माथि उठ्ने प्रयास गर्नुपर्ने कुरा बताए ।त्यस्तै कार्यक्रमका प्रमुख अतिथि केदार न्योपानेले व्यक्ति आफ्नो बिचारले ठुलो सानो हुने भन्दै आम नागरिकले आफ्नो सोच फराकिलो बनाउनुपर्ने बताए । दलित समुदाय समाजमा पिछडियको छ तर आफुले समाजमा ईतिहास बनाउछु भन्ने सोचले काम गर्नुपर्ने बताउनु भयो ।
कार्यक्रममा नेकपा केन्द्रीय सदस्य रामेश्वर राना , प्रदेश सभासद कुमारि मोक्तान, प्रेम बहादुर पुलामि लगायत करिव १०० जनाको उपस्थिति रहेको थियो ।