निर्वाचन हुन्छ ,कुनै भ्रमको पछि नलाग्नुसःसंस्यापन पक्ष दाहाल

२२ चैत, हेटौँडा । शनिबार अर्थात भोलि बिहान ९ बजेदेखि हुने हेटौँडा ५ मा रहेको ज्ञानदिप बहुउदेश्य सहकारी संस्थाको निर्वाचन प्रक्रिया सुरु हुन केहि घण्टा बाकि रहदा एक पक्षले निर्वाचननै बहिष्कार गर्ने घोषण गरेपनि सहकारीको हाल सञ्चालक समितिमा रहेका सस्थापन पक्षले निर्वाचनमा लाग्न र कसैको भ्रममा नपर्न सबैलाई अनुरोध गरेको छ।

सत्ता पक्ष संचालक समितिले शुक्रबार न्युज क्लब नेपाल हेटौँडामा पत्रकार सम्मेलनको आयोजना गर्दै कसैले चुनावि प्रकृया बहिस्कार गर्दैमा निर्वाचन नरोकिने भन्दै भ्रमको पछि नलागी निर्वाचान प्रकृयामा सहभागि हुन अनुरोध गरेको हो  । 
पत्रकार सम्मेलनमा बोल्दै ज्ञानदिप बहुउदेश्य सहकारी सञ्चालक समितिका अध्यक्ष विष्णु दाहालले आफुहरुले सहमतिको प्रयास गर्दा गर्दै केहि  असन्तुृष्ट पक्षले पत्रकार सम्मेलन गरेर निर्वाचन हुन नदिन अनावश्यक बखेडा निकालेको बताए ।
 दाहालले पहिला सहमति गर्नै अहिले हार्ने डरले निर्वाचन प्रकृयानै बहिस्कार  गर्छौ भन्नु भ्रम भएको भन्दै बहिस्कार गर्छु भन्ने कुरा कायरता भएको बताए ।पत्रकार सम्मेलनमा ज्ञानदिप वहुउदेश्य सहकारी सस्थाका सञ्चालक समिति सदस्यहरु, अध्यक्षका प्रत्यासी जिद्यराज ढकाल सहितका अन्य पदाधिकारीहरुको उपस्थिती रहेको थियो ।
५९४ सदस्य रहेको सहकारीमा १३ सदस्य पदका लागि निर्वाचान हुदैछ ।