प्रदेश तीनका ३३ प्रतिशत वडामा स्वास्थ्य सुविधा छैन

२३ चैत, हेटौँडा । नागरिकले पाउने स्वास्थ्य सेवा र यसको पहुच भन्दा टाढाको जिवन कल्पना गर्न सकिदैन , स्वाथ्थ सेवा नभईनहुने कुरा हो तर स्वाथ्थ सेवा प्रदान गर्ने  स्वास्थ्य चौकी र अस्पताल निर्माण नहुँदा  अझै गाउ गाँउमा नागरिकमा स्वास्थ्य सेवाबाट बन्चित हुने गरेका छन । 
यसैक्रममा प्रदेश नम्बर तीनका ३३ प्रतिशत वडामा अझै स्वास्थ्य चौकि  निर्माण हुन नसक्दा र निर्माण भएका ठाउमा प्रयाप्त मात्रामा स्वास्थ्यकर्मी नहुदा नागरिकमा स्वास्थ्य सेवाबाट बन्चित हुन बाध्य बनेका हुन । 
शनिबार प्रदेश नम्बर तीन स्वास्थ्य सेवा निर्देशनालयको आयोजनामा विश्व स्वास्थ्य  दिवस सम्बन्धि  भएको पत्रकार अन्तरकृया कार्यक्रममा यो तथ्य सार्वजनिक भएको हो । 
पत्रकार संगको  अन्तरकृया कार्यक्रममा बोल्दै प्रदेश तीन स्वास्थ्य निर्देशनालय हेटौंडाका जनस्वास्थ्य प्रशासक राजेन्द्र कुमार गिरीले  प्रत्येक नागरिकमा स्वास्थ्य सेवाको पहुँच पुर्याउनका लागि सम्बन्धित पक्षले स्थानिय स्तर मै पुगेर सचेताना जगाउनु पर्ने भन्दै जनप्रतिनिधिहरुले स्वास्थ्यको विषयलाई प्रमुख एजेण्डा बनाउनु पर्ने बताए । 
उनले स्वास्थ्य जस्तो संवेदनसिल विषय एकातिर थाती राखेर सडक निर्माण लगायतका कुरामा जनप्रतिनिधिहरु लाग्न नहुने बताए । 
कार्यक्रममा बोल्दै पत्रकार मशहासंघ प्रदेश तीनका अध्यक्ष प्रताप विष्टले सरकारको स्वास्थ्य विमा कार्यक्रममा देखिएको अन्यौल अन्त्य हुने खालको कार्यक्रम गर्नु पर्ने भन्दै यस्ता कार्यक्रम दिवस केन्द्रित हुनु भन्दा स्वास्थ्य सचेतना कार्यक्रम लिएर स्थानिय स्तरमा जान सम्बिन्धीत निकायलाई अनुरोध गरेका छन।

कार्यक्रममा प्रदेश तीन स्वास्थ्य निर्देशनालय हेटौंडाका उपस्वास्थ्य प्रशासक डाक्टर रामबहादुर केसी, जनस्वास्थ्य प्रतिनिधी डाक्टर राजेन्द्र कुमार गिरी, हेटौंडा अस्पताल व्यवस्थापन समितीका अध्यक्ष प्रकाश पौडेल, हेटौंडा अस्पतालका निमीत्त प्रमुख डाक्टर हरिबहादुर खड्का, नेपाल पत्रकार महासंघ मकवानपुरका अध्यक्ष हरी हुमागाई लगायतको उपस्थिती रहेको थियो ।