ज्ञानदिपको अध्यक्षमा जिधराज ढकाल विजयी, बहिस्कार गरेकाले पनि मत पाए

२३ चैत, हेटौँडा । ज्ञानदिप बहुउदेश्यीय सहकारी संस्थाको शनिबार भएको १३ सदस्य निर्वाचनमा संचालक समितिको अध्यक्ष पदमा जिधराज ढकालले बाजी मारेका छन । 
 खसेको १ सय ७० मतमध्य अध्यक्ष पदमा जिधराज ढकालले १ सय ४२ मत प्राप्त गरी विजयी बनेका हुन । त्यसैगरी  २ जना अध्यक्षका प्रत्यासी जनकराज पन्तले १३ मत प्राप्त गरे भने निर्वाचन प्रकृयानै बहिस्कार गरेका हरी प्रसाद पौडेलले १३ मतनै प्राप्त गरेको निर्वाचन अधिकृत अधिवक्ता मदन दाहालले जानकारी दिएका छन । 

त्यसैगरी उपाध्यक्ष पदमा १ सय ५२ मत प्राप्त गरी गोविन्द प्रसाद चौंलागाईले निर्वा्चित भएका छन् भने उपाध्यक्ष पदमा अर्का प्रतिस्पर्धी नन्दलाल लामाले ११ मत प्राप्त गरको छन । यद्यपी लामाले पनि निर्वाचन बहिस्कार गरेका थिए । त्यसैगरी सचिव पदमा  दिपक खड्काले १ सय ४७ मत प्राप्त गरी विजयी बनेका छन । निर्वाचन प्रकृयानै बहिस्कार गरेका अर्का सचिव पदका उमेदवार राजन दाहाल खुसराजले २० मत प्राप्त गरेका छन  । 
त्यसैगरी कोषाध्यक्ष पदमा मोहन प्रसाद न्यौपानेले १ सय ४९ मत प्राप्त गरे भने विश्वनारायण श्रेष्ठले १७ मत प्राप्त गरे । श्रेष्ठले हिजो शुक्रबार पत्रकार सम्मेलन गरी निर्वाचन प्रकृयानै बहिस्कारको घोषण गरेका थिए । त्यसैगरी सञ्चालक समिति सदस्यहरुमा लक्ष्मी दुलालले १२८ मत , रमिला सापकोटाले १३७ मत ,दिनेश लम्साल ले १३८ मत,  खेमराज लामिछानेले १३८ मत ,अनिल बाँनीयाले १४१ मत , विष्णुप्रसाद दाहालले १३७ मत र बासुदेब रिजाल ले १४० मत प्राप्त गरी विजयी भएको निर्वाचन अधिकृत दाहालले बताए । 
त्यसैगरी लेखा समिति संयोजक रामप्रसाद गजुरेल १४३ मत प्राप्त गर्दै विजयी बनेका छन भने लेखा समितिको सदस्यहरुमा १२९ मत सहित राजकुमार गोतमे १३५ मत सहित राजु अर्याल  र १३५ मत सहित विजयी भएका छन ।