जन्तालाई विभेद गरे देशमा अर्को बिद्रोह जन्मिनेःमन्त्री जमकट्टेलले

२७ चैत, हेटौँडा । प्रदेश नंबर ३ का आन्तरिक मामिला तथा कानुन मन्त्री शालिकराम जमकट्टेलले नाम चलेका मिडिया तथा सरकारी मिडियाका मै हु भन्ने पत्रकारहरुले लेख्नु पर्ने कुरा नलेखेर खालि मन्त्रीले कति तेल खायो कति खाजा खायो भन्ने मात्र समाचार लेख्ने गरेको बताउदै अब मिडियाले सरकारी कार्यालयमा अनुगमन गरी कार्यालयमा हुने भष्ट्रचारको पर्दाफास गर्नुपर्ने समय आएको बताएका छन । 
हेटौँडा ५ सानोपोखरामा रहेको रेडीयो बुलेटिनले आयोजना गरेको मानब बेचविखन र ओसारपसार विरुद्ध भएका प्रयास तथा चुनौतिहरु विषयक अन्तरक्रिया कार्यक्रममा बोल्दै मन्त्री जमकट्टेलले  जन्तालाई कुनै पनि क्षेत्रमा सेवा लिन र दिनबाट विभेद गरे देशमा अर्को बिद्रोह  जन्मिन बताए । 
उनले सेवा लिन चप्पल लगाएर सरकारी कार्यालयमा आउने जन्तालाई ठग्न नमिल्ने भन्दै सबैभन्दा बढि काममा विभेद गरिने जिल्ला प्रशासन कार्यालय, प्रहरी कार्यालय, मालपोत कार्यालय सहित अन्य कार्यालयमा हुने विभेद र भष्ट्रचारलाई सरकारी होस या अन्य मिडियाले पर्दाफास गर्नुपर्ने बताए ।
‘जन्तासंग कर लिने अनि जनताको कामलाई बेवास्ता गर्दै विप्लव समुहलाईचन्दा  दिने’ यो कस्तो सेवा हो मन्त्री जमकट्टेलले बताए । 

रेडीयो बुलेटिनका अध्यक्ष अनिल खातुनको सभाध्यक्षतामा भएको कार्यक्रममा हेटौँडा उपमहानगरपालिकाका नगर प्रमुख हरि बहादुर महतले मानब बेचविखन र ओसारपसार मौलाउदै गएको भन्दै त्यस्ता कार्यको न्युनिकरणमा लाग्ने सबैलाई अनुरोध गरेका छन ।
कार्यक्रममा मानब बेचविखन र ओसारपसार विरुद्धको संजालकी संयोजक आरती पाठक , सिविन मकवानपुरका झबिन्द्र  ज्ञवाली, गैसस महासंघ मकवानपुरका बुद्ध शरण लामा, जिल्ला प्रहरी कार्यालय मकवानपुरका अनुसन्धान अधिकृत तथा प्रहरी निरीक्षक अनिश बुढाथोकी लगायतले आ आङ्खनो मतहतका कार्यलयबाट मानब बेचविखन र ओसारपसार विरुद्ध हुने गरेका क्रियाकलाप र त्यसको उपलब्धिताको बारेका प्रस्तुतिकरण गरेका थिए ।