प्रदेश सरकार बाल्यकालमै छ कसरी दौडनु: मुख्य मन्त्री पौडेल

३० चैत, हेटौंडा। प्रदेश तीनका मुख्यमन्त्री डोरमणि पौडेलले वर्तमान प्रदेश सरकारले काम गरेन भन्नु  हिडनु हास्यास्पद भएको बताएका छन्।

शनिबार हेटौंडामा भएको नेपाल रेडक्रस सोसाइटी प्रदेश तीन प्रदेश सभाको प्रथम अधिवशनको उद्घाटन  कार्यक्रममा बोल्दै मुख्य मन्त्री पौडेलले  प्रदेश सरकार बाल्यकाल मै रहोको र बामे सर्दै गरेको अवस्थामै रहेको कसरी दौडन सक्दछ भन्दै प्रदेश सरकारले काम गरेन भनेर  हिडनु हास्यास्पद भएको बताएका हुन।

उनले प्रदेश तीन सरकार बाकि प्रदेश  सरकार भन्दा उत्कृष्ट तरिकाले  अगाढी बढेको  बताएका छन्।

कार्यक्रमका प्रमुख अतिथि पौडेलले नेपाल रेडक्रस एउटा पवित्र संस्था रेहको र रेडक्रसले दैविक प्रकोप र  विपद व्यवस्थापनमा खेलेको भूमिकाको खुलेरै प्रशंसा गरेका छन 

नेपाल रेडक्रस सोसाईटी प्रदेश तीन तदर्थ समितिका संयोजक कृष्ण गोपाल लागेजुको सभाध्यक्षतामा सम्पन्न भएको कार्यक्रममा रेडक्रसका केन्द्रीय महामन्त्री देवरत्न धाख्वाः, कोषाध्यक्ष देवेन्द्र प्रधान, उपमहामन्त्री हरि पौडेल, नेकपा मकवानपुरका नेता बद्री लंसाल, गैरसरकारी संस्था महासंघका बुद्ध लामा, रेडक्रस मकवानपुरका सभापति सूर्यचन्द्र न्यौपाने लगायतकाले मन्तव्य व्यक्त गरेका थिए।