वर्तमान कम्युनिष्ट सरकारले हुकुमी शासन गर्यो : रिजाल

३० चैत, हेटौंडा । नेपाली काँग्रेसका केन्द्रिय सदस्य मिनेन्द्र रिजालले वर्तमान कम्युनिष्ट सरकारले हुकुमी शासन चलाईरहेको बताएका छन् । 
नेपाली कांग्रेस हेटौंडा उपमहानगरपालिकाको नगर सम्मेलनमा बोल्दै नेता रिजालले यस्तो आरोप लगाएका हुन् । उनले कम्युनिष्ट सरकारले चुनावअघि जनतालाई दिएका बाचा पुरा नगरि आफ्ना स्वार्थ अनुरुपका काम गरिरहेको बताए । सरकारको यस्तो अराजक गतिविधि रोक्न कांग्रेसले भुमिका खेल्ने बताए । कांग्रेसकी केन्द्रिय सदस्य महालक्ष्मी उपाध्याय डिनाले स्थानीय तहमा भ्रष्टाचार बढ्दै गएको भन्दै उनले यसबारे सचेत रहनुपर्नेमा जोड दिईन् । उनले संघदेखि तल्लो तहसम्म भ्रष्टाचार मौलाउँदा पनि सरकारले यसलाई वेवास्ता गर्नुले सरकारको गलत मनासाय प्रष्ट झल्किएको बताईन् ।
कार्यक्रममा प्रदेश नम्बर ३ नेपाली कांग्रेस संसदीयदलका नेता एवं मकवानपुर सभापति इन्द्रबहादुर बानियाँले जनतालाई प्राथमिकतामा राखेर काम गरे निर्वाचनमा कांग्रेको जित हुनेमा बताए । उनले जनताको हित विपरित काम गर्ने कम्युनिष्ट सरकारलाई आगामी निर्वाचनमा जनताले विस्थापित गर्ने दावि गरे । 
कार्यक्रममा कृष्ण प्रसाद दाहाल र राजबाबु पहाडीद्धारा लिखित ‘प्रजातान्त्रिक समाजवादका प्रकाशपुञ्ज’ नामक पुस्तकको समेत बिमोचन गरिएको छ । कांग्रेस उपमहानगर सभापति आनन्दराम पराजुलीको सभाध्यक्षतामा भएको कार्यक्रममा नेपाली जिल्लाका उपसभापति विष्णु लामिछाने, सल्लाहकार माइकल रामचन्द्र अर्याल, क्षेत्रीय सभापतिहरु लगायत काँग्रेसका विभिन्न भातृ संगठनहरुका प्रमुखहरुको सहभागिता रहेको थियो ।