किशोरकिशोरीद्वारा तयार प्रतिवेदन सार्वजनिक

१ बैशाख, हेटौँडा । किशोरकिशोरीद्वारा मद्यपान, लागुऔषध दुब्र्यसनी, बालविवाह र बालश्रमको विद्यमान अवस्था बारेमा गरेको अध्ययनको प्रतिवेदन सार्वजनिक गरिएको छ । बकैया गाँउपालिका वडा नम्बर ३ को विभिन्न स्थानमा गरिएको सर्वेक्षण प्रतिवेदन सार्वजनिक गरिएको हो । सर्वेक्षण सिविन नेपालको समन्वय र वडाको सहकार्यमा भएको थियो ।
बालविवाहको अवस्था बारे हात्तीसुँडेमा, बालश्रमको बारेमा जलजले, चम्पाखहरेमा र लागु औषध दुव्र्यसनी बारे वसनमा ३/३ जनाको समुह बनाई सर्वेक्षण गरिएको र सर्वेक्षणबाट प्राप्त निष्कर्षले वडा कार्यालयलाई बालमैत्री वडा बनाउन मद्धत पुग्ने वडा अध्यक्ष दिल बहादुर बम्जनले बताए । मद्यपान, लागुऔषध दुब्यर्सनीको बारेमा १९ घरधुरी, बालश्रमको विषयमा १२ घर धुरी, बालविवाहको बारेमा १५ घर धुरी गरि ४६ घरधुरीबाट नमुना प्राप्त गरिएको, सर्वेक्षणले किशोरकिशोरीहरुले लागु औषध प्रयोग गर्ने गरेको, बालविवाह समस्याको रुपमा देखिएको र बालश्रमको अवस्था न्युन रहेको सिविन बालहेल्पलाइनका जिल्ला संयोजक झबिन्द्र ज्ञवालीले बताए । 
सर्वेक्षणका अनुसार लागुऔषध सेवन गर्ने समुहमा १९ वर्ष माथिका ५५ प्रतिशत, १५ देखि १८ वर्ष उमेर समुहका ३९ प्रतिशत, र १० देखि १४ का ६ प्रतिशत रहेका छन भने  किशोरकिशोरीहरुले साथीभाइको लहैलहैमा लागेर, लागु औषध मद्यमान सजिलै उपलब्ध हुने भएर, अभिभावकको निगरानी नपुगेर, फेशन एवं रमाइलोको लागि लागु औषध मद्यपान सेवन गर्ने गरेको देखाएको छ ।
बालविवाहको बारेमा गरिएको अध्ययनअनुसार विवाह गर्ने उमेर बारे कतिलाई जानकारी छ भन्ने सन्र्दभमा सोधिएका मध्ये १३ प्रतिशतले १५ वर्ष मुनि, २७ प्रतिशतले १८ वर्षमुनि र ५३ प्रतिशतले २० वर्ष मुनि र ७ प्रतिशतले थाह नभएको बताए । बालविवाहक किन हुन्छ भन्ने सन्र्दभमा सोधिएको जिज्ञासामा सचेतनाको कमि, प्रेमसम्बन्ध, विद्यालय छोड्नु, यौन तथा प्रजनन स्वास्थ्य शिक्षाको ज्ञानको अभाव, सामाजिक सञ्जाल एवं मोवाइलको दुरुपयोग र कानुनी ज्ञानको अभावको कारण बालविवाह हुने गरेको देखिएको छ भने यसको रोकथामको लागि परिवार,समुदाय, किशोरकिशोरीको समुह, बालल्कव, , प्रहरी, वडा कार्यालय , बालहेल्पलाइन तथा संघसंस्थाको भुमिका महत्वपूर्ण हुने सर्वेक्षणले देखाएको छ ।
बकैया वडा न ३ मा बालश्रमको अवस्था न्युन देखिएको छ भने सो स्थानबाट अन्य विभिन्न स्थानमा काम गर्न गलैँचा, इटाभट्टा, होटल, घरेलु बालश्रमिकहरुको भने जाने गरेको पाईएको छ ।