हेटौंडामा अब प्रत्येक महिनाको पहिलो शनिबार मन्थन हुने

५ बैशाख, हेटौंडा। बैशाख ७ गतेबाट अब प्रत्येक महिनाको पहिलो  शनिबार हेटौंडामा मन्थन हुने भएको छ।

नलेज भिलेज नेपालले यहि वैशाख ७ गतेबाट सुरु गरिने कार्यक्रममा जीवन उपयोगी विषयवस्तुमा केन्द्रित रहेर मन्थन गरिने जनाइएको छ। उक्त मन्थनको नाम सुर्दशनसँग कफी” कार्यक्रम भन्ने तय भएको जनाइएको छ। बिहिबार न्युज क्लब नेपालमा आयोजित पत्रकार सम्मेलन मार्फत यस विषयको जानकारी गराइएको हो।

लेखक तथा बैंकर सुदर्शन अधिकारी ले पत्रकार सम्मेलनमा बोल्दै प्रत्येक महिनाको पहिलो शनिबार  बिहान साढे ७ देखि ८ बजेसम्म आधा घण्टासम्म स्वस्थ जीवन, तनाव व्यवस्थापन, सफलताका सूत्रहरु, व्यावसायिक सफलता, नेतृत्व र जिम्मेवारी, सकारात्मक सोच, आर्थिक र वित्तीय कुरा, समाजसेवा, जीवन विज्ञान लगायतका विषयमा मन्थन गरिने बताए ।

 कार्यक्रम सुरु भएको अवधिमा बढीमा २ मिनेट ढिला आउनेलाई मात्रै हलमा प्रवेश गर्न दिइनेछ । यो अन्तरक्रियात्म मन्थनमा  नकारात्मक सोचलाइ परिवर्तन गरी सकरात्मक सोचको विकासका लागि मन्थन कार्यक्रमको आयोजना गरीएको बताए ।

कार्यक्रमको आयोजना हेटौंडा २ मा रहेको न्युज क्लब नेपालको सभाहल हुने र यसको  प्रवेश शुल्क नलाग्ने बताइएको छ।