वंशगोपालमा नयाँ कार्यसमितिको शपथग्रहण

११ मंसिर, हेटौंडा । हेटौंडा-६ चौघडामा रहेको वंशगोपाल दुग्ध उत्पादक सहकारी संस्था लिमिटेडका नवनिवर्नचित पदाधिकारीहरुको शपथग्रहण समारोह शनिवार सम्पन्न भएको छ ।निर्वाचन समितिले नयाँ कार्यसमितिलाई शपथग्रहण गराएको हो ।

संस्थाको अध्यक्षमा श्यामप्रसाद न्यौपाने, उपाध्यक्षमा मुकुन्दप्रसाद अधिकारी, जिल्ला संघ प्रतिनिधीमा बासुदेव अधिकारी, सदस्यहरुमा श्यामप्रसाद भट्टराई, केशवप्रसाद अधिकारी, रामजी ढकाल, ढकप्रसाद गौतम, सूर्यपसाद दुलाल र हितकोष संयोजक एवम सदस्यमा खडानन्द चौलागाई निर्विरोध निर्वाचित भएका छन् । 

यसैगरी लेखा सुपरीवेक्षण समितिको संयोजकमा नवराज पौडेल, सदस्यमा दिलिप सुवेदी र हिरादेवी महर्जन चयन भएका छन् । केदारप्रसाद सापकोटा र गोपालचन्द्र भट्टराई हितकोष सदस्यमा निर्वाचित भएका छन् । 

कार्यक्रममा संस्थाका निवर्तमान अध्यक्ष साधुराम चौलागाई, चौघडा सहकारीका कोषाध्यक्ष त्रिविक्रम मानन्धर, वडा नागरिक मंच हेटौडा  ६ का कृष्णप्रसाद सञ्जेल, नेकपा माओवादी केन्द्र हेटौडा –६ का अध्यक्ष श्रीराम पुडासैनी,  निर्वाचन समितिका सदस्य भीमसेन पौडेल, संस्थाका व्यवस्थापक लक्ष्मण सापकोटा लगायतकाले मन्तव्य व्यक्त गरेेका थिए ।

कार्यक्रम निर्वाचन समितिका संयोजक रमेशप्रसाद लामिछानेको अध्यक्षतामा भएको थियो ।