हुप्रचौरलाई खुल्ला राख्न माग

९ वैशाख, हेटौँडा । हेटौँडा उपमहानगरपालिकाले हेटौँडा–४ स्थित हुप्रचौमा व्यापारिक सटर सहितको प्याराफिट निर्माण गर्न लागेको भन्दै केही राजनितिक दल र सरोकारवालाहरुले ध्यानाकर्षण भएको जनाएका छन् । 
हेटौँडा उपमहानगरपालिकाले व्यापारिक सटर सहित प्याराफिट निर्माणका लागी बोलपत्र आह्वान गरको भन्दै विज्ञप्ति निकालेर विरोध जनाएका हुन् । 
विगतदेखि नै खुल्ला चौरको प्रयोग हुँदै आएको हुप्र चौरमा प्याराफिट निर्माण गरि त्यसको सौन्दर्यतालाई विगार्न लागिएको भन्दै खुल्ला चौरकै रुपमा राख्न माग गरिएको छ ।
बोलपत्र आह्वान पछि पनि संबन्धित निकायलाई हुप्रलाई खुल्ला चौरको आवधारणमा राख्न ध्यानाकर्षण गर्दा समेत वेवास्ता गरिएको भन्दै सटर सहितको प्याराफिट निर्माण कार्यको प्रकृया तत्काल रोक्न आग्रह गरिएको छ । 
नेपाली कांग्रेसका हरिप्रसाद पौडेल, राप्रपाका सिताराम बर्तौला, नयाँ शक्ति पार्टीका राजेन्द्र सिम्खडा, नेकपा क्रान्तिकारीका जितु गोले, नगर समन्वय समितिका उपाध्यक्ष गंगा पौडेल, हुप्रचौर सरोकार समितिका कमल मैनालीले हस्ताक्षर गरेको विज्ञप्तिामा सरोकारवालाहरुको मागलाई वेवास्ता गरिए मुठभेडको अवस्था आउँन सक्ने चेतावनी समेत दिइएको छ ।