आईपीएलः दिल्लीे शीर्षस्थानमा उक्लियो

१० वैशाख, हेटौँडा । ११ खेलमा ७ मा जित र ४ मा हारका साथ १४ अंक जोडेको दिल्ली क्यापिटल्स इन्डियन प्रिमियर लिग (आईपीएल)को शीर्ष स्थानमा उक्लिएको छ । 
आईपीएलको सोमबार राति भएको ४० औं खेलमा राजस्थान रोयल्सलाई ६ विकेटले पराजित गर्दै दिल्ली क्यापिटल्स अंक तालीकामा शीर्षस्थानमा उक्लिएको हो ।
१ सय ९२ रनको विशाल लक्ष्य पछ्याएको दिल्लीले ४ बल अगाडीनै ४ विकेटको क्षतिमा लक्ष्य पुरा गरेको हो । दिल्लीको जितमा विकेटकीपर ऋषभ पन्त, ओपनर शिखर धवन र पृथ्वी शाले उत्कृष्ट प्रदेर्शन गरे ।
ऋषभ पन्त ७८, शिखर धवन ५४ तथा पृथ्वी शाले ४२ रन बनाए । राजस्थानका लागी श्रेयस गोपालले २, धवन कुलकर्णी र रियान परागले समान १ विकेट लिए ।
त्यस अघि घरेलु मैदान जयपुरमा टस हारेर पहिला ब्याटिङ थालेको राजिस्थानले निर्धारित २० ओभरमा ६ विकेटको क्षतिमा १ सय ९१ रन बनाएको थियो । 
राजस्थानका लागि ओपनर अजिंक्या रहाणेले शानदार शतक प्रहार गरे । रहाणे ६३ बलमा ११ चौका र ३ छक्का सहित १ सय ५ रनमा अविजित रहे पनि त्यो जितको लागि प्राप्त रहेन । 
अजिंक्या रहाणे र कप्तान स्टिभ स्मिथले दोस्रो विकेटका लागि १२ ओभरमा १ सय ३० रनको साझेदारी गर्दै राजिस्थानलाई विशाल योगफल सम्म पु¥याएका थिए ।
 कप्तान स्मिथले ३२ बलमा ८ चौका प्रहार गर्दै ५० रन बनाए । यस्तै राजस्थान रोयल्सका लागी बेन स्ट्रोक्स ८, एस्टन टर्नर शून्य र स्टुअर्ट बिन्नी १९ रनमा आउट भए । 
दिल्लीका कागीसो रबडाले २, ईशान्त शर्मा, क्रिस मोरिस र अक्षर पटेलले समान एक विकेट लिए ।
सोमबारको खेलसँगै दिल्ली ११ खेलमा ७ मा जित र ४ मा हारका साथ १४ अंक जोड्दै शीर्ष स्थानमा उक्लिएको छ । त्यस्तै चेन्नई सुपर किंग्स १० खेलमा ७ मा जित र ३ मा हारका साथ दोस्रो स्थानमा छ भने मुम्बई १० खेलमा ६ मा जित र ४ मा हारका साथ तेश्रो स्थानमा रहेको छ । (एजेन्सी)