आईपीएलः कोलकतामाथि राजस्थानको रोमान्चक जित

१३ वैशाख, हेटौँडा । इन्डियन प्रिमियर लिगको विहिबार राति सम्पन्न ४३ औं खेलमा कोलकता नाइट राइडर्समाथि राजस्थान रोयल्सलले ३ विकेटको रोमान्चक जित निकालेको छ ।
१ सय ७६ रनको विजयी लक्ष्य पछ्याएको राजिस्थानले ४ बल अगाडी ७ विकेट गुमाउँदै लक्ष्य भेट्टाएको हो । राजस्थानलाई जितको लागि अन्तिम ओभरमा ९ रन चाहिएको अवस्थामा जोफ्रा आर्चरले चौका छक्का प्रहार गर्दै जित दिलाएका हुन् ।
टस हारेर पहिलो ब्याटिङको निम्तो पाएको कोलकाताले २० ओभरमा ६ विकेट गुमाउँदै एक सय ७५ रन बनाउको थियो । कोलकाताका लागि कप्तान दिनेश कार्तिकले अविजित ९७ रन बनाए । 
यस्तै आन्द्रे रसेलले १४ तथा नितीश रानाले २१ रनको योगदान गरे । साथै सुभमन गिलले २१ रन बनाए । राजस्थानका लागि वरुण आरोनले २ विकेट लिँदा ओसाने थोमस, जयदेव उनादकट र श्रेयश गोपालले एक÷एक विकेट लिए । 
जवाफी ब्याटिङमा उत्रीएको राजस्थानले चार बल बाँकी हुँदा सात विकेट गुमाउँदै लक्ष्य भेट्टायो । राजस्थानको जितका प्रागले ४७, अजिन्क्या राहाणे ३४, आर्चरले अविजित २७, सञ्जु सामसन २२, श्रेयस गोपाल १८, कप्तान स्टिभ स्मिथ २, बेन स्टोक्स ११ तथा स्टुवार्ट बिन्नी ११ रन बनाए ।
कोलकाताका लागि पियुश चावलाले तीन विकेट लिए ।  त्यस्तै सुनिल नारायणले २ विकेट लिँदा आन्द्रे रसेल र प्रसिद्ध कृष्णाले एक–एक विकेट लिए । जितसँगै राजस्थान रोयल्स पुच्छारबाट एक स्थानमाथि उक्लिएको छ ।