सप्तरीमा सवारी दुर्घटनामा परी तीनको मृत्यु

१४ बैशाख,कञ्चनपुर। शनिबार सप्तरीको छुट्टाछुट्टै ठाउँमा भएको सवारी दुर्घटनामा परी तीन जनाको मृत्यु भएको छ ।  
सप्तरी जिल्लामा पर्ने पूर्वपश्चिम राजमार्गअन्तर्गत ३ छुट्टाछुट्टै स्थानमा  भएको दुर्घटनामा परी तीन जनाको मृत्यु भएको हो ।
पूर्वपश्चिम राजमार्ग अन्तर्गत सप्तरीको कन्चनरुप नगरपालिका–९ मा लाहानबाट ईटहरी तर्फ आउँदै गरेको को १ख ४१२३ नम्बरको ट्रकलाई सोही दिशाबाट आइरहेको ना५ख ७९३७ नंको बसले पछाडिबाट ठक्कर दिँदा उक्त बस अनियन्त्रित भई नजिकको छाप्रोमा रहेको चिया पसलमा पुगेर ठिक्कर दिदा पसलमा चिया पिउन बसिरहेको सप्तरीको कञ्चनरुप नगरपालिका–८ बस्ने ६५ वर्षीय देवनारायण महतोको रहेको इलाका प्रहरी कार्यालय कञ्चनपुरले जनाएको छ भने उक्त  दुर्घटनापछि बसमा सवार र चिया पसलमा बसिरहेका गरी आठ जना घाइते भएको प्रहरीले जनाएको छ । घाइतेको रुपनगरस्थित धर्मेश्वर अस्पतालमा उपचार भइरहेको छ भने चालक र ट्रक तथा बसलाई नियन्त्रमा लिएको जिल्ला प्रहरी कार्यालयले जनाएको छ ।

त्यस्तै सप्तरीकै हनुमाननगर कंकालिनी नागरपालिका–३ स्थित पोर्ताहामा पूर्वबाट पश्चिम जाँदै गरेको को१ज ३५६२ नम्बरको गाडीले सोही दिशातर्फ जाँदै गरेको को१५प ५५४५ नम्बरको मोटरसाइकललाई पछाडिबाट ठक्कर दिँदा मोटरसाइकल चालक सप्तरी हनुमाननगर कंकालिनी नागरपालिका–३ पोर्ताह बस्ने २२ वर्षीय शङ्कर पघैया यादवको मृत्यु भएको प्रहरीले जनाएको छ । 
त्यस्तै सप्तरीको खड्क नगरपालिका–७ मा पूर्वबाट पश्चिमतर्फ जाँदै गरेको मोटरसाइलले पैदलयात्रीलाई ठक्कर दिँदा अन्दाजी ७० वर्षीया छुतहरु दासको मुत्यु भएको छ ।