कक्षा ११ र १२ को वार्षिक परीक्षामा सिसि टिभी

१४ बैशाख, हेटौँडा ।  राष्ट्रिय परीक्षा बोर्ड परीक्षा नियन्त्रण कार्यालयले कक्षा ११ र कक्षा १२ को वार्षिक परीक्षाको सम्पूर्ण तयारी पूरा भएको जनाएको छ । 
भोलि अर्थात १५ गते आइतबारबाट  शुरु हुने परीक्षाको सम्पूर्ण तयारी पूरा गरेको बोर्डका परीक्षा नियन्त्रक कृष्णप्रसाद शर्माले बताएका छन । 

उनले यस बर्ष कक्षा १२ को परीक्षामा चार लाख २८ हजार ५२ र कक्षा ११ को परीक्षामा पाँच लाख आठ हजार ४९४ परीक्षार्थी गरी नौ लाख ३६ हजार ५४६ परीक्षार्थीहरुले परीक्षा दिने जसमा चार लाख ४२ हजार ९सय ९७ छात्र र चार लाख, ९३ हजार ५सय ४९ छात्रा रहेको बताए । 
बोर्डले परीक्षाका लागि देशभर एक हजार १०७ परीक्षा केन्द्र निर्धारण गरेकामा सबभन्दा बढी परीक्षा केन्द्र काठमाडौँमा १२२ वटा र सबैभन्दा कम मनाङ(मुस्ताङमा एक।एक परीक्षा केन्द्र निर्धारण गरेको जनाएको छ । 
 
यसैगरी गरी परीक्षा बोर्डले सबै प्रश्नपत्रको सुरक्षाका लागि सिसी क्यामरा जडान गरी निगरानि गरीने जनाएको छ ।  
 प्रदेश २ मा एसइइ परीक्षमा प्रश्न पत्र बाहिरको विषयलाई मध्यनजर गरी बोर्डले केन्द्र नजिकै सिसीटिभीसहितको सुरक्षा घेराभित्र रहेको कक्षाबाट प्रश्नपत्र लैजाँदा केन्द्राध्यक्षलाई मोबाइलसमेत बोक्न निषेध गरेको  जनाएको छ । परीक्षामा जिल्ला परीक्षा समन्वय समिति, केन्द्राध्यक्ष, बोर्डका अधिकारी, मन्त्रालयका अधिकारी, प्रदेशस्थित सामाजिक विकास मन्त्रालय, शिक्षा तथा मानव स्रोत केन्द्र, प्रदेश शिक्षा निर्देशनालयबाहेक अन्यलाई मोबाइल फोन लैजान निषेध गरिएको  बोर्डले  जनाएको छ ।