मजदुर संगठनले मनायो हेटौँडामा १३० औँ श्रमिक दिवस (फोटो फिचर सहित)

फोटोः सुनिल प्रस्ट खबर

 १८ बैशाख, हेटौंडा। १सय ३० औँ अन्तराष्ट्रिय श्रमिक दिवस देशैभर मनाईरहदा  हेटौँडामा विभिन्न ट्रेड युनियनहरुले  र्‍याली  तथा सभाको आयोजना गर्दे १सय ३० औँ अन्तराष्ट्रिय श्रमिक दिवस मनाएका छन । यसैक्रममा नेकपा निकटको मजदुर संगठनले एक सय ३० औ अन्तराष्ट्रिय श्रमिक दिवस मनाइएको छ ।

 मजदुर संगठनमा आवद्ध विभिन्न मजदुरहरुको सहभागितामा  हेटौँडा ४ हुप्राचौरमा रहेको बासुदेव सभागृहबाट निकालेको  र्‍याली  हेटौंडा१०को बुद्धचोकमा आएर कोण सभामा परिणत भएको थियो ।
कोणसभालाई सम्बोधन गर्दै कार्यक्रमका प्रमुख अतिथी समेत रहेका प्रदेश नम्बर ३ का सभामुख सानुकुमार श्रेष्ठले सरकारले मजदुरलाई दिएको अधिकार ग्यारेण्टी गर्नुपर्ने तथा दिएको अधिकार कार्यनयनको दायरामा ल्याउनुपर्ने बताए । सभामुख श्रेष्ठले अब मजदुर पनि मालिक हुने दिन आएको भन्दै मजदुर र मालिकको सम्बन्ध सुमधुर हुनेमा विश्वास व्यक्त गरेका छन । 

त्यसैगरी कार्यक्रममा बेल्दै नेकपा मकवानपुरका अध्यक्ष तथा प्रदेश ३ का प्रदेश सदस्य मुनु सिग्देलले मजदुरले आफ्नो श्रमको उचित मुल्य पाउनुपर्ने कुरामा कसैले रोक्न नसक्ने बताईन । उनले  ३ सय ६५ दिनमा १ दिन नारा लगाएर भन्दा पनि ३६५ दिननै  मजदुरले आफ्नो श्रमको उचित मुुल्य पाउनु पर्नै व्यवस्था गरिनु पर्ने बताइन । जिफन्ट मकवानपुरका अध्यक्ष अर्जुन ढुंगेलको सभाध्यक्षतामा भएको कार्यक्रममा प्रतिनिधिसभा मकवानपुर क्षेत्र नम्बर २ का सांसद बिरोध खतिवडा, प्रदेश सभाका सदस्य तथा नेकपा मकवानपुरका सचिब प्रेमबहादुर पुलामी, जिल्ला समन्वय समिति मकवानपुरका प्रमुख रघुनाथ खुलाल, उपप्रमुख भगवती पुडासैनी, नेकपा मकवानपुरका नेताहरु रामेश्वर राना, अनन्त पौडेल, प्रलाद लामिछाने,हेटोंडा उपमहनागरपालिकाका प्रमुख हरिबहादुर महत, उपप्रमुख मिना लामा, मजदुरका नेताहरुको  सहभागिता रहेको थियो ।