निरीक्षक झाको टोलिद्धारा ७१ किलो गाँजा सहित २ जना पक्राउ

१८ बैशाख, हेटौँडा । मकवानपुर प्रहरी जिल्लामा हुने लागु औषध नियन्त्रणमा सक्रियता देखाएको छ। सोही क्रममा मकवानपुर प्रहरीले मंगलबार राति  ७१ केजी लागुऔषध गाँजासहित २ जना पक्राउ गर्नुका साथै गाँजा बोकेको ट्रकलाई नियन्त्रणमा लिएको छ । 
 जिल्ला प्रहरी कार्यालय मकवानपुरबाट प्रहरी निरीक्षक पवन कुमार झाको नेतृत्वमा तथा प्रदेश नम्बर ३ प्रहरी कार्यालय हेटौडा बाट खटि गएको प्रहरी टोलीले मनहरीबाट हेटौंडा तर्फ आउदै गरेको ना ५ ख ८१६४ नम्बरको ट्रकलाई हेटौंडा ३ लेवट्मा चेकजाँच गर्ने क्रममा ट्रकको केविन मुनि लुकाइछिपाई प्लाष्टिकको ५ वटा पोका बनाई राखेको अवस्थामा गाँजा सहित २जनालाइ पक्राउ गरेको हो । 
    
प्रकाउ पर्नेमा  ट्रक चालक रौतहट चन्द्रपुर नगरपालिका बस्ने २७ बर्षिया कर्ण बहादुर हमाल र रौतहटकै गौरी शंकर यादव रहेको जिल्ला प्रहरी कार्यालय मकवानपुरले जनाएको छ । पक्राउ परेका यादव गाँजा धनी रहेको प्रहरी बताएको छ। साथै प्रहरीले गाँजाधनी यादवको साथबाट नगद ३० हजार रुपैयाँ पनि बरामद गरेको जनाएको छ। गाँजा सहित नियन्त्रण लिएको ट्रक लाइ अवश्यक अनुसन्धानका लागि जिल्ला प्रहरी कार्यालय राखिएको जिल्ला प्रहरी कार्यालय मकवानपुरका प्रहरी प्रमुख प्रहरी उपरीक्षक मुकेश कुमार सिंहले बताएका छन्।