बकैया-१० मा कांग्रेसको समिति गठन

१९ बैशाख, हेटौंडा । नेपाली कांग्रेस बकैया गाउँपालिका वडा नम्बर १० ले कांग्रेसको गाउँ समिति, भातृ संगठन तरुण दल र महिला संघको नयाँ नेतृत्व चयन गरेको छ । 
भेलाले नेपाली कांग्रेस बकैया गाउँपालिका वडा नम्बर १० मा भीमबहादुर घिमिरे संयोजक रहने गरी १३ सदस्यीय नयाँ कार्यसमिति भयन गरेको छ । जसको सचिवमा केशव प्रसाद सापकोटा रहेका छन् । 
त्यसैगरी,  तरुण दलको भीमसेन घिमिरेको अध्यक्षता १५ सदस्यीय कार्यसमिति निर्माण भएको छ । जसको सचिवमा सोमबहादुर मोक्तान रहेको नेपाली कांग्रेस बकैया गाउँपालिका संयोजक भूमिनन्द गौतमले जानकारी दिए । संगठन सुदृणिकरणका लागि काँग्रेसले गाउँ गाउँमा समिति निर्माण गरेको उनले जानकारी दिए । निर्वाचनको समयमा भएका प्रतिबद्धताहरु पुरा गर्न र पूरा नभएका प्रतिबद्धताहरुलाई पूरा गराउने पहल कांग्रेसले गर्ने उनले जानकारी दिए । 
त्यसैगरी महिला संघको सभापतिमा १० नम्बर वडाको निर्वाचित वडा सदस्य रश्मिला थिङ चयन भएकी छिन् । थिङको अध्यक्षतामा ८ सदस्यीय कार्यसमिति सर्वसम्मत चयन भएको हो । जसको सचिवमा गोपीमाया वाईवा रहेकी छिन् । 
कार्यक्रम नेपाली कांग्रेस १० नम्बर वडा संयोजक भीमबहादुर घिमिरेको अध्यक्षता तथा नेपाली काँग्रेस महासमिति सदस्य धर्मराज लामिछानेको अध्यक्षतामा भएको हो । कार्यक्रममा निर्वाचित वडा अध्यक्ष सोमबहादुर तिमल्सिना, तरुण दल बकैया गाउँपालिका संयोजक दीर्घ लामा, नेपाली कांग्रेस बकैया  गाउँपालिका संयोजक गौतम, शिक्षक संघ बकैया गाउँपालिका सदस्य खेमराज विश्वकर्मा लगायतले मन्तव्य व्यक्त गरेका थिए ।