सुपर ओभरमा हैदरावादलाई हराउँदै मुम्बई पुग्यो प्ले अफमा

२० वैशाख, हेटौँडा । इन्डियन प्रिमियर लिग (आईपीएल) अन्तर्गत विहिबाररातिको खेलमा सनराइजर्स हैदरावादलाई सुपर ओभरमा हराउँदै मुम्बई इन्डियन्से प्ले अफमा पुगेको छ । 
सुपर ओभरमा ९ रनको लक्ष्य पाएको मुम्बईले सुरुवाती तीन बलमा पुरा ग¥यो । ओपनर हार्दिक पान्ड्याले पहिलो बलमै राशिद खानलाई छक्का प्रहार गरे । उनले ७ रन बनाए यस्तै मुम्बइको जितका लागी केरन पोलार्डले २ रन बनाए । 
हैदरावादले सुपर ओभरमा मुम्बइलाई ९ रनको लक्ष्य दिइएको थियो ।
त्यस अघि १ सय ६३ रनको विजयी लक्ष्य पछ्याएको हैदरावादले २० ओभरमा ६ विकेटको क्षतिमा १ सय ६२ रन बनाएपछि खेल सुपर ओभरमा पुगेको थियो । हैदरावादलाई जितको लागि अन्तिम ओभरमा १७ रन चाहिएको थियो । पहिलो र दोस्रो बलमा हार्दिक पान्ड्याले एक – एक रन दिए पनि तेस्रो बलमा मोहम्मद नाबीले छक्का प्रहार गरेपछि खेल थप रोचक अवस्थामा पुगेको थियो ।
मुम्बई १३ खेलमा ८ मा जित र ५ मा हारका साथ १६ अंक जोड्दै दोस्रो स्थानमा उक्लिदै प्ले अफमा पुगेको हो ।
चेन्नई सुपर किंग्स १३ खेलमा ९ मा जित र ४ मा हारका साथ १८ अंक जोड्दै शीर्ष स्थानमा छ ।
दिल्ली १३ खेलमा ८ मा जित र ५ मा हारका साथ तेस्रो स्थानमा पुगेको छ भने हैदरावाद १३ खेलमा ७ मा हार र ६ मा जितका साथ चौथो स्थानमा स्थानमा यथावत छ । (एजेन्सी)